Kollig kalender

? » Die Tulipamwe Internasionale Kunstenaar-uitstalling by die Nasionale Kunsgalery van Namibië (NAGN) duur tot 3 Oktober. ?» Die kunsuitstalling getiteld The Power In Your Hands Volume 2: An Exhibition By Frans Uunona and Isabel Rios is nog tot môre by die Franco Namibiese Kultuursentrum (FNCC) aan die gang. ?» ’n Kunsuitstalling getiteld African Paradox Experienced in Namibia deur Joe Madisia duur tot 2 Oktober by die FNCC-kunsgalery.?» Die kunsuitstalling Keman Guluko Towards Freedom is tot 30 September by die Omba-galery aan die gang. Kunstenaars Christian Goltz, Liezl Hoving, Marita van Rooyen en Tuli Mekondjo neem aan die uitstalling deel. ?» Op Vrydag 18 en Saterdag 19 September bied die College of the Arts (Cota) sy jaarlikse dansproduksie by die Nasionale Teater van Namibië (NTN) aan. Dit begin om 20:00 op Vrydag en om 15:00 op Saterdag. Kaartjies kos N$60 vir volwassenes en N$35 vir kinders. ?» Die NG-gemeente Suiderhof word 50 jaar oud en sal dit Vrydagaand 23 Oktober saam met die sanger Arno Jordaan vier. Verversings is by die snoepie beskikbaar en besoekers kan kerrie en rys of jafels koop. Tee en koffie is gratis. Kaartjies is binnekort beskikbaar. Kinders onder die ouderdom van drie jaar kry gratis toegang, kinders tussen die ouderdom van drie en tien jaar betaal N$60 per kaartjie en volwassenes betaal N$100.?» Op Vrydag 2 Oktober om 19:00 word die 2015 Afrika Culinary Cup aangebied, waarin jong sjefs van Namibië, Mauritius, Suid-Afrika, Egipte, Saoedi-Arabië en Lesotho sal meeding, by die NamPower Konferensiesentrum gehou. Terselfdertyd vier die Namibiese Sjefsvereniging sy 21ste bestaansjaar. Belangstellendes betaal N$550 per sitplek of N$5 000 vir ’n tafel van tien mense. Die kaartjieprys sluit wyn in. Vir meer inligting of besprekings, stuur ’n e-pos na secretariat@namibianchefs.com of skakel 061 253 542. ? » Op Saterdag 12 September om 20:00 tree die Namibiese kunstenaar Christopher The Grand by die Warehouse Teater se Boiler Room op. Voor sy optrede, vanaf 16:00 tot 19:00, is dit “happy hour” by die teater. Toegang tot die konsert is gratis. ?» Windhoek Bonsai Kai bied ’n demonstrasie deur Chris Els aan oor hoe jy nuwe Bonsai-materiaal kan kry deur steggies en sade te plant. Dit vind op Saterdag 12 September 9:30 vir 10:00 in Olympia (Hamutenya Wanahepo Ndadistraat 59) plaas. Vir meer inligting, kontak Gertrud Piek by 061 241 838 of Saartjie by 081 127 8808 en 061 243402?» Op Saterdag 12 September om 14:00 word die Namibiese Streekskoorkompetisie Finale getiteld Champ of Champs by Jan Möhr Hoërskool in die skoolsaal aangebied. Toegang is gratis, maar ’n beperkte aantal sitplekke is beskikbaar. ?» Op Saterdag 12 September om 17:00 word ’n klassieke musiekkonsert by die Heinitzburg Hotel getiteld “Classics@the Castle” deur klassieke kitaarspeler Ulrich Busch en violis Jürgen Kriess aangebied. Die konsert is ’n rendezvous van die klassieke musiek van die 18de, 19de en 20ste eeu. Die konsert is die eerste van ’n reeks klassieke konserte wat elke tweede Saterdag van die maand (vir ses maande lank) sal plaasvind. Toegang tot die konserte is gratis. ?» Die Namibië Vrouevereniging (NVV) bied ’n Crafting Bee-kursus op Saterdag 12 September by die NG kerk Eros se kerksaal aan. Die kursusse begin om 08:30 en kos N$150 per persoon, wat pakkette insluit. Bespreek voor 9 September by magda.rall@yahoo.com.?»Spes Bona Properties & Radiowave hou op Saterdag 19 September ’n staptog vir kanker. Belangstellendes kan kies of hulle 5 km of 10 km wil loop en dit kos N$50 om aan die staptog deel te neem. Die sluitingsdatum vir inskrywings is 16 September. Die eerste 500 inskrywers ontvang ’n sak vol geskenkies. Inskryfvorms is beskikbaar by projects@can.org.na.?» Op Saterdag 26 September word ’n gala-aand deur Projekt Lilie ter ondersteuning van onderwysers gehou. Dit vind by die Safari Hotel plaas, 18:00 vir 18:30. Vir navrae, skakel me. Monika Hoffmann by 061 235 959.?» Radiopersoonlikheid en geleentheidsorganiseerder Jackey !Gaoseb nooi vroue, moeders, dogters en susters, om op Saterdag 24 Oktober ’n leefstyl- en inspirerende praatjie deur onder meer ’n minister en ander sprekers by die Palmboompark by te woon. Vroue moet wit aantrek en hulself gereedmaak om nuwe hoop en bemoediging te vind. Vermaak sal tesame met motiveringspraatjies aangebied word en die volgende onderwerpe sal bespreek word: Vroue word deur pyn stilgemaak, vroue en hul geesteslewe en vroue en skoonheid. Kaartjies kos N$120 en sluit in registrasie (wat plaasvind van 16 tot 31 Augustus), middagete en ’n kans om groot pryse te wen. Vir meer inligting, skakel 081 252 0421, 081 295 2339 of 081 346 6596.?» Die FNCC en ChiNamibia nooi kinders tussen die ouderdom van 8 en 16 jaar om ’n kuns-, kos- en handwerkkraampie by hul Kindermark 2015 aan te bied. Die kindermark vorm deel van hul kinderfees wat op 31 Oktober sal plaasvind. Inskryfvorms is by die FNCC-ontvangs beskikbaar en die sluitingsdatum vir inskrywings is 30 September. Registrasie kos N$100 en vorms moet by die FNCC ingegee word. Vir meer inligting, skakel 061 387 330.?» Die Warehouse Teater bied elke Maandag om 20:00 ’n jazz-musiekaand getiteld Jazz Monday aan, met die Boiler Room se Jazz-musiekgroep wat besoekers vermaak. Toegang is gratis en die kroeg het “Happy Hour” tussen 16:00 en 20:00. ?» Lyndans vir enkellopers en baldanslesse vir paartjies word Maandae vanaf 19:00 tot 20:00 (lyndans) en 20:00 tot 21:30 (baldanse) by die Goethe-sentrum aangebied. Vir meer inligting of besprekings, kontak Martina by 085 141 2555 of martina@skydancer-cc.com.?» Zumba-dansklasse word elke Dinsdag en Donderdag by die Warehouse Teater aangebied. Kontak Taimi by taimizumba@gmail.com vir meer inligting.?» Die vierde Eunic Rolprentefees begin op Woensdag 16 September om 18:00 by die Diogo Cäo Taalsentrum (by die Windhoek Internasionale Skool, Scheppmannstraat, Pionierspark, uitbreiding 1). Die fees duur tot 23 September. Verskeie plaaslike rolprente sal daagliks by verskeie venues (waaronder die FNCC-fliekteater, die Goethe-sentrum en die Diogo Cäo Taalsentrum) vertoon word. Toegang is gratis en die program vir die vertonings van die rolprente is op die internet en by die onderskeie venues beskikbaar. ?» Die bekende Suid-Afrikaanse sanger Arno Jordaan toer in Oktober in Namibië. Hy begin op 21 Oktober met ’n optrede op Keetmanshoop (skakel Pina by 063 224 638), gevolg deur ’n konsert op 22 Oktober op Gobabis (Renda by 081 304 1299) en ’n derde konsert in Windhoek op 23 Oktober (Marcha by 081 288 2886). Daarna tree hy op 26 Oktober op Stampriet op (kontak Melani by 081 330 9001), dan op 29 Oktober op Tsumeb (Betsie by 081 042 9813) met ’n laaste optrede op 31 Oktober op Walvisbaai (Nico by 081 143 0255). ?» Elke Woensdag vanaf 18:00 word ’n akoestiese aand by Zenso Restaurant & Lounge Bar gehou waar musikante die geleentheid het om met drie akoestiese instrumente en ’n sanger hul talente te kom wys. Klanktoerusting word voorsien en toegang is gratis. Kunstenaars wat wil optree, moet op Maandae bespreek en oudisies aflê. Skakel 081 689 4575 of 081 314 5953.?» Privaatskool Windhoek Gimnasium voer die produksie Kaleidoscope with colours bright elke aand van Donderdag 24 tot Saterdag 26 September by die NTN op. Die konserte begin om 18:30 en kaartjies kos N$120. Kinders betaal slegs N$60. ?» Elke Donderdag bied die Warehouse Teater ’n skemerkelkie-aand vanaf 16:00 tot 02:00 aan en toegang is gratis. Alle skemerkelkies word vir N$35 verkoop, met uitsondering van die Boiler Room-skemerkelkie wat N$25 kos. ?» Die Windhoeker Männerchor oefen elke Donderdag om 18:15 by die SKW in Olympia. Indien u oor koorondervinding beskik of dalk ’n musiekinstrument bespeel, loer sonder enige verpligting in en kry ’n voorsmakie. (Roelof, 081 241 3917, roelofkunst@hotmail.com of Wolf, 081 122 2942, wolf.wohlers@lorentzangula.com).?» Die Jazz-Etcetera geleenthede by die Hilton se Kalabar vind elke Donderdag vanaf 19:00 tot 21:30 plaas en toegang is gratis. Die konserte is oop vir almal.

Kollig kalender

Kommentaar

Republikein 2025-06-18

Meld asseblief aan om kommentaar te lewer

Kollig kalender

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie