Koerant moet ook die geloof beskerm
GERNOT SCHAAF SKRYF UIT SWAKOPMUND: Ek is geskok uit my skoene uit dat die brief op 15 November 2021, "Moeders moet nie hul pligte ontduik" onder "die duiwel" as skuilnaam, by die verantwoordelike redaksiegroep van hierdie koerant "verbygekom" het en in druk kon verskyn.
Hierdie skryfsel is ’n growwe teistering nog erger as ál die golwe van die pandemie wat was, plus wat nog kan kom, tesame.
Ek kan nie dink hoedat iets só sinneloos afbrekend kan geplaas word in die openbare medium nie. Wat is die indruk wat hierdie plasing moet gee van die leserspubliek van ’n koerant se inbors, van hulle trots as opgevoede, denkende en verantwoordelike individue?
Vir my is dit platweg net niks meer as “gemors” nie. Dit is die epitoom van bandeloosheid, onsedelikheid en ’n gevaarlike onmenslike dierlikheid.
Duidelik grens dit aan ’n neiging tot chaos en verval van gewone norme; bo alles van selfrespek - wat nog te sê van moraliteit en morele waardes.
Wie het die skryfsel se opskrif bygebring? Die satangse skrywer, of wie?
Dit is by implikasie elke ouer wat die Goddelike skepsel deur die Hoër Hand in die baarmoeder tot unieke menswese laat gedy. Nie die kru gevolg van “drange en drifte” van wat die lekkerte-gevoelens is as synde die jeug se “reg om te doen wat vir jou lekker is”.
Dit is ’n baie laat uur in die nag indien hierdie soort van ding die riglyn sal word in ons jeug se lewe. Nog veel, veel erger en gevaarliker as enige pandemie.
Dan spog hierdie outeur met sy karakterloosheid. “Sien, ek is in die slag, steel en verwoes-besigheid. Om te lieg en te bedrieg is my spesialiteit.”
Pas op vir die Boek van die Lewe wat eendag sal oopgemaak word en wat daarop sal volg. Die wiel draai meedoënloos en gewis voort.
Ek wil ten sterkste beswaar maak teen hierdie verval-gevaar in ons koerantwese en daarvoor moet elkeen normaalweg N$7,00 opdok vir hierdie slangspoegery. Is dit hoe die merk van die dier uiteindelik lyk soos deur Johannes in Openbaring 13 v 18 en verder bekend gemaak word?
As nederige gelowige en belydenisinstandhouer van die Christelike geloof is dit vir my nodig dat ons nie kan toelaat dat ’n magdom gelowiges goedsmoeds mislei kan word, om so willens en wetens ons geloofsbegronding prys te gee met so ’n onverantwoordelike "gal"-humor-skryfsel nie.
Ek sal dit waardeer om plasing van hierdie teenstandpunt in u koerant te kan verkry.
Hierdie skryfsel is ’n growwe teistering nog erger as ál die golwe van die pandemie wat was, plus wat nog kan kom, tesame.
Ek kan nie dink hoedat iets só sinneloos afbrekend kan geplaas word in die openbare medium nie. Wat is die indruk wat hierdie plasing moet gee van die leserspubliek van ’n koerant se inbors, van hulle trots as opgevoede, denkende en verantwoordelike individue?
Vir my is dit platweg net niks meer as “gemors” nie. Dit is die epitoom van bandeloosheid, onsedelikheid en ’n gevaarlike onmenslike dierlikheid.
Duidelik grens dit aan ’n neiging tot chaos en verval van gewone norme; bo alles van selfrespek - wat nog te sê van moraliteit en morele waardes.
Wie het die skryfsel se opskrif bygebring? Die satangse skrywer, of wie?
Dit is by implikasie elke ouer wat die Goddelike skepsel deur die Hoër Hand in die baarmoeder tot unieke menswese laat gedy. Nie die kru gevolg van “drange en drifte” van wat die lekkerte-gevoelens is as synde die jeug se “reg om te doen wat vir jou lekker is”.
Dit is ’n baie laat uur in die nag indien hierdie soort van ding die riglyn sal word in ons jeug se lewe. Nog veel, veel erger en gevaarliker as enige pandemie.
Dan spog hierdie outeur met sy karakterloosheid. “Sien, ek is in die slag, steel en verwoes-besigheid. Om te lieg en te bedrieg is my spesialiteit.”
Pas op vir die Boek van die Lewe wat eendag sal oopgemaak word en wat daarop sal volg. Die wiel draai meedoënloos en gewis voort.
Ek wil ten sterkste beswaar maak teen hierdie verval-gevaar in ons koerantwese en daarvoor moet elkeen normaalweg N$7,00 opdok vir hierdie slangspoegery. Is dit hoe die merk van die dier uiteindelik lyk soos deur Johannes in Openbaring 13 v 18 en verder bekend gemaak word?
As nederige gelowige en belydenisinstandhouer van die Christelike geloof is dit vir my nodig dat ons nie kan toelaat dat ’n magdom gelowiges goedsmoeds mislei kan word, om so willens en wetens ons geloofsbegronding prys te gee met so ’n onverantwoordelike "gal"-humor-skryfsel nie.
Ek sal dit waardeer om plasing van hierdie teenstandpunt in u koerant te kan verkry.
Kommentaar
Republikein
Geen kommentaar is op hierdie artikel gelaat nie