Klub pas aan by min spelers vir Mashie-toernooi

Wally Bredenhann, voormalige Suidwes-haker en gewese spanbestuurder van die Namibiese rugbyspan, was laas naweek die wenner van die heel eerste nasionale kampioenskap wat die Windhoek Gholf- en Buiteklub op sy nuwe Mashie-baan aangebied het.Die toernooi, geborg deur Momentum, se formaat was ’n individuele stableford oor vier rondes van nege putjies elk.Die opkoms was uiters teleurstellend toe net 31 spelers deelgeneem het. Die redes vir die swak bywoning bly ’n raaisel, want Momentum het pryse ter waarde van N$15 000 plus ander pryse vir die houe naaste aan die pen op die spel geplaas.Die klub se gholfkomitee, ná gesprekvoering met Momentum, het gevolglik besluit om nie die hele waarde van die borgskap aan die klein veld van spelers uit te gee nie, maar net die helfte. Die oorblywende N$7 500 word gekanaliseer na die Windhoek Ope, wat nog vir ’n borg vir 2019 op soek was, maar waarvan Momentum se toetrede as borg binnekort aangekondig sal word.Die Windhoek Ope is ’n toernooi wat punte vir die merietelys van die Namibiese Amateur Gholfunie (Nagu) tel en sal op 7 en 8 September aangebied word.Die organiseerders spreek hul hartlike dank teenoor Momentum uit.Die voorste uitslae was soos volg:1 Wally Bredenhann (voorgee 11) 94 punte2 Morné du Plessis (voorgee 4) 85 punte3 John Vermeulen (voorgee 5) 83 punte4 Lientjie van Schoor (voorgee 16) 82 punte5 Gerhard van Rooyen (voorgee 8) 81 punte6 Fanie Oosthuizen (voorgee 7) 79 punte7 Stefanus van der Merwe (voorgee 5) 78 punte8 Justin Baard (voorgee 5) 78 punte9 Hansina Hinda (voorgee 7) 76 punte10 Ernst Calitz (voorgee 8) 76 punteDie pryse vir die houe naaste aan die pen is opgeraap deur Cor Beuke (putjie 1), Dignity Moyo (putjie 2), Sakkie Matheus (putjie 3 en 7), John Vermeulen (putjie 4 en 8), Wally Bredenhann (putjie 5), Fanie van Zyl (putjie 6) en Ernest Calitz (putjie 9).’n Paar gelukspryse geskenk deur Beuke & Associates (Cor Beuke) is ook uitgedeel.

Klub pas aan by min spelers vir Mashie-toernooi

Kommentaar

Republikein 2025-05-02

Meld asseblief aan om kommentaar te lewer

Klub pas aan by min spelers vir Mashie-toernooi

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie