Kleurvol vir kanker
Die Kankervereniging van Namibië (CAN) se immergewilde en landswye Spray-a-Thon-veldtog skop die naweek af. Eerskomende Vrydag is die CAN-span oudergewoonte saam met verskeie vennote in Windhoek by verskeie verkeerskruisings gereed met 'n blikkie om geld in te samel as deel van die Skud-'n-Blik-veldtog.
Saterdag kan inwoners van die hoofstad die kleurveldtog ondersteun deur N$20 te skenk en hul hare in die kleure van die reënboog van 09:00 tot 12:00 by onderskeidelik die Grove- en Maerua-inkoopsentrum te laat spuit.
Kusbewoners kan Saterdag terselfdertyd hul deel by Woermann Brock op Swakopmund en die Dunes-inkoopsentrum op Walvisbaai doen.
Geld wat tydens die veldtog ingesamel word, sal ten bate van die Chica-fonds ter ondersteuning van Chica se tydelike tuiste, sowel as Saal 8 Wes se pediatriese onkologiesaal by die Windhoek Sentrale Hospitaal aangewend word.
Saterdag kan inwoners van die hoofstad die kleurveldtog ondersteun deur N$20 te skenk en hul hare in die kleure van die reënboog van 09:00 tot 12:00 by onderskeidelik die Grove- en Maerua-inkoopsentrum te laat spuit.
Kusbewoners kan Saterdag terselfdertyd hul deel by Woermann Brock op Swakopmund en die Dunes-inkoopsentrum op Walvisbaai doen.
Geld wat tydens die veldtog ingesamel word, sal ten bate van die Chica-fonds ter ondersteuning van Chica se tydelike tuiste, sowel as Saal 8 Wes se pediatriese onkologiesaal by die Windhoek Sentrale Hospitaal aangewend word.
Kommentaar
Republikein
Geen kommentaar is op hierdie artikel gelaat nie