Kleintjies verbrand energie

Die voormalige internasionale driekampatleet Charmaine Shannon se bekende oefen­klub vir jong kinders, T-Rex Training Tribe, het laas Vrydag 'n multisportbyeenkoms (swem, fietsry en hardloop) in Kleine Kuppe aangebied. Ouderdomsgroepe het gewissel vanaf twee tot 12 jaar. “Almal het baie pret gehad met gesonde aktiwiteit op 'n Vrydagmiddag. Daar was soveel stralende gesiggies en sommiges wou net voluit resies jaag, terwyl ander rustiger die buitemuurse wou geniet en aktief met vriende rondspeel,” sê Shannon. Volgens haar word wel erkenning aan die uitblinkers gegee, maar eers ná afloop van die hele reeks wat op 27 April sy prysoorhandiging sal afhandel. Die laaste byeenkoms in die 2019-2010 reeks vind op 13 Maart plaas. Foto's Susan Riha