'Klein jakkalsies' kelder vraag na voedsel

Dr. Kobus Laubscher - Geen verbruiker eet koring in só ’n mate dat dit die vraag na koring kan beïnvloed nie. Dit is die verbruik van brood en koringprodukte wat die vraag na koring bepaal.Verder onderskei die mark tussen vraag, soos in wat moontlik verbruik kan word, en doeltreffende vraag wanneer die behoefte aan ’n verbruikbare produk gerugsteun word deur die vermoë om daarvoor te betaal. Hierdie twee begrippe word dikwels verwarrend gebruik. In beide gevalle geld bepaalde funksionale verwantskappe soos dat die vraag na koring ’n afgeleide vraag is – afgelei van die vraag na die verwerkte produk en wat onder meer bepaal kan word deur inkomstevlakke, ouderdom van die verbruiker, verbruikfrekwensie, ens. Die veranderlikes wat die vraag na koring beïnvloed, verskil uiteraard van die faktore wat die vraag na goedere soos yskaste ensovoorts bepaal. Verbruikers koop daagliks brood, maar vervang hulle yskaste eers ná baie jare.Welvaart verbeterDie Buro vir Voedsel- en Landboubeleid (BFAP) in Suid-Afrika wys op interessante ontwikkelings ten opsigte van verbruikstendense in die gesaghebbende 2016 basisstudie-verslag. Die goeie nuus is dat daar beduidende welvaartverbeterings waarneembaar is soos wat die verbruikers skuif tussen die sogenaamde LSM (Living Standard Measures)-groepe. Verder is daar ’n skerp toename in die aantal mense wat as middelklas, bo-middelklas en welvarend geklassifiseer is van onderskeidelik 23%, 65% en 32% onderskeidelik van 2005 tot 2015.In 2009 het 56% van die totale bevolking tussen R1 en R4 999 per maand verdien, welke persentasie in 2015 tot 37% gedaal het. Daarenteen het die deel van die bevolking wat R5 000 en meer per maand verdien, van 44% in 2009 tot 63% in 2015 toegeneem, aldus die BFAP. Hierdie verbetering van welvaart moet lei tot verhoogde vraag, maar belangriker nog; tot ander verbruikspatrone. Die skerpste afname was ten opsigte van die deel van die bevolking wat as gemarginaliseerd beskryf word. Die getalle is in 2013 geraam op 9,5% van die bevolking of ongeveer 3,7 miljoen mense en hulle het minder as 5% van die totale inkomste ontvang.Die Nasionale Bemarkingsraad skets weer ’n droewe scenario vir die armste 30% van die bevolking in terme van die bekostigbaarheidvan die mandjie kos wat gekoop word. In die Mei 2016-verslag word geraam dat die koste van die vyf gewildste aankope op ’n jaargrondslag met 19,1% tot R6,00 in April 2016 toegeneem het.Dié van die bevolking het na raming in April 2016 altesaam 56,2% van hul besteebare inkomste aan kos bestee, versus die 2,3% van die rykste 30% van die bevolking. Welvaartsvlakke en die verskuiwing tussen klasse van inkomste het gevolglik ’n beduidende impak op verbruik.Ongelukkig ondersteun die jongste syfers ten opsigte van koopkrag nie wat verwag kon word nie en van die redes wat aangevoer word, is die huidige skuldvlakke van verbruikers. Die bekende ekonoom, Mike Shüssler, verskil egter met hierdie siening en bewys dat skuld as persentasie van inkomste die afgelope dekade afgeneem het van 87% van besteebare inkomste, tot 76%. Hoewel krediet-aktiewe verbruikers van 17 miljoen tot 24 miljoen toegeneem het, is minder vonnisse vir agterstallige skuld gerapporteer en het reële huishoudelike skuld gekrimp, volgens Schüssler. Dit is dus duidelik dat ander faktore doeltreffende vraag erodeer en Schüssler skryf dit toe aan besteding wat nie tans in inflasiemeting opgeneem word nie, omdat die uitgawes minder as 1% van besteding uitmaak. Schüssler noem dit die “nuwe verpligtinge wat die klein jakkalsies is wat die wingerd verniel”.Verbruiker hou land aan die gangDie verbruiker word ’n al hoe groter vennoot om die land aan die gang te hou. ’n Eenvoudige lys van gedwonge uitgawes om die afwesigheid van noodsaaklike dienste te bekostig, kan die volgende insluit: Bykomende veiligheid van huis en haard omdat die sekuriteitsdienste gewoon nie kan byhou met die pas waarteen kriminaliteit toeneem nie; ekstra skoolgeld om te vergoed vir waar die staat faal ten opsigte van basiese onderwysdienste; en verhoogde mediese versekering om te sorg vir behoorlike dienste wanneer benodig.Daarbenewens is verhoogde versekeringspremies die gevolg van skade as gevolg van swak paaie, inbrake en dies meer. Al hierdie uitgawes styg jaarliks meer as die inflasiekoers en geen wonder nie dat Jan Alleman platsak bly nie. Wat landbou betref, wys Johan Willemse kennelik op die gebrek aan behoorlike staatsondersteuning wat beteken dat die landbou op homself aangewese is. In die meeste gevalle beteken dit verminderde plaashekpryse omdat boere prysnemers is. Dit is hoog tyd dat betalende verbruikers hulle regte opneem as vennote om die ligte aan te hou deur self meer en meer te bestee aan dienste.Net jammer dat dit negatief inwerk op die vraag na voedsel.

'Klein jakkalsies' kelder vraag na voedsel

Kommentaar

Republikein 2025-06-19

Meld asseblief aan om kommentaar te lewer

'Klein jakkalsies' kelder vraag na voedsel

Kommentaar

Republikein 2025-06-19

Meld asseblief aan om kommentaar te lewer

MELD AAN

Advertensie