Klein besighede moet ondersteun word

Tanja BauseIn ''n klein vertrek in Grootfontein se nywerheidsgebied, sit me. Suama Sakarias en luister na die sagte gedreun van ''n naaimasjien terwyl sy muskietnette maak. Sakarias het 16 jaar gelede by Mossi Nets op Outjo begin werk toe die maatskappy in 1990 deur mnr. Uwe Rathmann op die dorp begin is. In 2008 het me. Judith Hellwig die leisels oorgeneem en dit ses jaar later na Grootfontein verskuif. Sakarias (62), oorspronklik van die Omolondo-nedersetting by Ondangwa, het saam met die maatskappy getrek en sy beplan om binnekort af te tree. Sy het ''n huis op Otavi en beplan om haar tyd tussen die dorp en Omolondo deur te bring. Op die oomblik is daar sewe vroue wat nette maak. Volgens Hellwig sal die maatskappy kan uitbrei en meer vroue werk bied, as hulle meer tenders by die regering kry. “Ons is ''n vervaardiger wat mense ''n inkomste bied terwyl invoermaatskappye dalk net een of twee mense werk gee en die nette uit die buiteland invoer. Ons voeg waarde by om dit plaaslik te maak, al die geld bly in die land en ons mense baat daarby,” het sy gesê. Volgens Hellwig kan Namibië slegs Visie 2030 bereik en saam Harambee as klein maatskappye op grond van kapasiteit en produkgehalte ook vir regeringstenders in ag geneem word. “Ek weet die ingevoerde produkte is dikwels goedkoper as plaaslik-vervaardigde items, maar ons gee mense werk en die geld wat in die land bly, dra tot die groei van die ekonomie by. Dus, om tenders aan ons en ander klein besighede toe te staan, sal ons help om dié twee regeringsdoelwitte te bereik.”Mossi Nets kan allerlei groottes muskietnette maak, van so klein soos dié wat oor ''n baba se stootwaentjie geplaas word. Daar word ook nette op aanvraag gemaak en herstelwerk kan gedoen word.

Klein besighede moet ondersteun word

Kommentaar

Republikein 2025-05-02

Meld asseblief aan om kommentaar te lewer

Klein besighede moet ondersteun word

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie