Klagte teen drie vermeende bankdiewe teruggetrek
Drie van die ses verdagtes wat op Rehoboth in aanhouding was op klagte wat verband hou met die nagtelike inbraak en diefstal van N$1,3 miljoen by die Bank Windhoek-tak op dié dorp, is vrygelaat.
Adj.komm. Edwin Kanguatjivi, polisiewoordvoerder, het gister bevestig die klagte van inbraak en diefstal teen mnre. Marcel en Sylvester January en me. Claudine January is teruggetrek.
Hulle het Woensdagmiddag saam met mnre. Nathan Christopher Seboa, Kidas Esperanzo Beukes en André Franklin Cloete in die landdroshof op Rehoboth verskyn.
Laasgenoemde drie mans is borgtog geweier en bly in aanhouding tot hulle volgende hofverskyning op 21 September.
Seboa en Franklin is bankklerke by dié tak van Bank Windhoek en was na bewering Saterdag nog aan diens. Die inbraak het Maandag tussen 03:00 en 04:00 plaasgevind.
Tot dusver het die polisie net N$525 000 van die gesteelde geld teruggevind.
Adj.komm. Edwin Kanguatjivi, polisiewoordvoerder, het gister bevestig die klagte van inbraak en diefstal teen mnre. Marcel en Sylvester January en me. Claudine January is teruggetrek.
Hulle het Woensdagmiddag saam met mnre. Nathan Christopher Seboa, Kidas Esperanzo Beukes en André Franklin Cloete in die landdroshof op Rehoboth verskyn.
Laasgenoemde drie mans is borgtog geweier en bly in aanhouding tot hulle volgende hofverskyning op 21 September.
Seboa en Franklin is bankklerke by dié tak van Bank Windhoek en was na bewering Saterdag nog aan diens. Die inbraak het Maandag tussen 03:00 en 04:00 plaasgevind.
Tot dusver het die polisie net N$525 000 van die gesteelde geld teruggevind.
Kommentaar
Republikein
Geen kommentaar is op hierdie artikel gelaat nie