Kitshoff: Impala sal ware toets vir Hingste wees

Andrew Poolman - Klubrugby is van die hardste rugby wat daar is. Op die hoër vlakke word die spel vinniger, maar die fisieke botsings op klubvlak in Suider-Afrika is dikwels nie minder fisiek nie.FNB Wanderers vertrek vandag na Rustenburg op ’n gedugte missie teen een van die sterkste oop klubs in die ganse Gold Cup kompetisie.Platinum Impala het verlede jaar die finaal (toe nog die Gemeenskapsbekerreeks) gehaal voordat hulle teen die Kaapse klub Durbanville-Bellville (Durbell) verloor het.Een lid van laasjaar se kampioene, Rohan Kitshoff, het intussen vroeg vanjaar ’n werkaanbod in Windhoek aanvaar. As toetskaptein van Namibië en flank van FNB Wanderers en die Welwitschias het hy min bekendstelling nodig.Sy ondervinding sal dus opnuut van reusewaarde vir die Windhoekers wees. Kitshoff reken Wanderers kan die naweek sy onbekende faktor in die kompetisie met vrug gebruik.“Platinum Impala is ’n baie goed afgerigte span en beskik oor sterk en geharde spelers. Ek dink hul agtsteman is laasjaar as die beste voorspeler in die kompetisie aangewys. Voorlangs het hulle baie sterk baldraers.“Die klub van Mpumalanga beskik ook oor spelers wat tevore professionele rugby gespeel het, soos losskakel Cecil Dumond en vleuel Aubrey McDonald.“Hulle sal net soos laasjaar onder die gunstelinge tel om die eerste Gold Cup trofee te wen.”Kitshoff sê Wanderers kan hom regmaak vir een van die hardste wedstryde wat dié klub in jare gespeel het.“Met die naelskraapse neerlaag (26-28) in Johannesburg teen Pirates toe ek nie gespeel het nie, asook laas naweek se oortuigende oorwinning (60-29) teen die Northam Platinum Rhinos het ons reeds gewys dat ons nie ligtelik opgeneem kan word nie. “Dit is ’n cliché, maar indien ons die kanse afrond wat na ons kant toe kom, het ons wel ’n kans om ’n oorwinning te behaal. Ons sal nie eens daaraan dink om Impala te onderskat wat vir die eerste keer voor hul tuisskare uitdraf nie. Ons sal op ons beste moet wees, maar ’n verrassing is wel binne ons vermoë.”Die woelige oopkantflank reken môre se wenner het ’n redelike kans om een van groep B se twee kwalifiseerders vir die kwarteindronde te word.“Evergreens (SWD) se verrassing teen Pirates (Goue Leeus) wys ook dat die top-twee plekke nog geen uitgemaakte saak is nie.”WAARDEKitshoff, wat tevore ook ’n WP-kaptein was, sê die Gold Cup is van groot waarde vir Namibiese klubs.“Dit is goed en wel om in die top drie spanne in die Namibiese premierliga te wees, maar dit kan maklik gebeur dat jy uit die bus val wanneer jy teen die sterker Suid-Afrikaanse klubs te staan kom. Sover het Wanderers goed gevaar en dit sal die klub beslis help om te groei.“Vir spelers wat elke dag van 08:00 tot vyfuur werk, is dit puik blootstelling om te voel hoe dit is om ’n beroepspeler te wees. Die toerwedstryde en hotelle en nuwe uitrusting dra alles by.”NUWE KOMBINASIESDie verlies van Enem Kritzinger (knie) en Mahco Prinsloo (werkverpligtinge) ontneem die Wit Hingste van laas naweek se skakelpaar.Riaan van Zyl in die 9-trui maak egter sy terugkeer, terwyl Heinrich Smit na losskakel verskuif.Ruan Ludick se terugkeer langs Nico Esterhuyse beteken dat Wanderers weer twee slotte het wat gemaklik langer as twee meter is. Dié twee kan dus enige opponerende lynstaangooier ter wêreld senuagtig maak.Die gevoelige slag van beserings aan spelers soos Nian Berg (stut) en DG Wiese (flank), asook ander verliese, bring mee dat Wanderers dalk op die reserwebank minder diepte het as wat afrigter JP Nel onder ideale omstandighede sou wou hê.FNB Wanderers: 1 Schalk Bergh, 2 Gerhard Lotter, 3 AJ de Klerk, 4 Ruan Ludick, 5 Nico Esterhuyse, 6 Rohan Kitshoff, 7 Stef Botha, 8 Alberto Engelbrecht (kapt), 9 Riaan van Zyl, 10 Heinrich Smit, 11 Heico Prinsloo, 12 Francois Wiese, 13 Tershwin Raubenheimer, 14 Malcolm Moore, 15 Léan Stoop.Reserwes: 16 Petri Burger, 17 Shaun du Preez, 18 Morne Prenn, 19 Willem van Zyl, 20 Tewis Brand, 21 Cody la Cock, 22 Zaynor Platt.

Kitshoff: Impala sal ware toets vir Hingste wees

Kommentaar

Republikein 2025-05-16

Meld asseblief aan om kommentaar te lewer

Kitshoff: Impala sal ware toets vir Hingste wees

Kommentaar

Republikein 2025-05-16

Meld asseblief aan om kommentaar te lewer

MELD AAN

Advertensie