Kitchen 51 bied woema vir die langpad

ntbyt en middagete word in die restaurant bedien, maar op bestelling kan tweegang aandetes in die chalets vir gaste voorgesit word.Daar is ook ’n gemeenskaplike braaiplek, sou gaste liewer ’n vleisie op die kole wou gooi.Om ’n bespreking te maak, stuur ’n e-pos na bookings@mykitchen51.com.Ronelle Rademeyer – “Ma, ons is honger. Pa, ons kan nie meer knyp nie! Hoe ver is dit nog tot op die volgende dorp?”As jy al die lang pad Kaap toe met kinders aangepak het, is hierdie maar al te bekend.Wat ’n verligting is dit nie as daar dan ’n halte in die vorm van ‘n padstal opdoem waar almal kan bene rek en die gemoedere, én die innerlike, laaf nie.Kitchen 51 sowat 40 km vanaf Keetmanshoop langs die B1-roete, is een van die bes bewaarde geheime in die Suide. In hierdie aflewering van die reeks oor padstalle in Namibië, trek ons vir ’n wyle daar af en geniet die rustigheid en lafenis wat dit bied.Kitchen 51 is op die plaas Geduld van die Wolfaardts geleë en is al ‘n goeie vyf jaar in bedryf. As jy wonder hoekom dit “51” en nie “40” is nie – die “51” verwys na die nommer van die plaas.By hierdie halfweghawe met sy wingerde, sitrusboorde en padstal-cum-restaurant, word jy nie net met ’n bobaas cappucinno bedien nie, maar kan jy ook ouwêreldse lekkernye soos mosbolletjies, roosterkoek en kaiings bestel. En daar is gratis WiFi!Hulle bak daagliks heerlike plaasbrood en hul tuisgemaakte vleispasteie is ’n moet.Biltong en droëwors, allerlei ingelegde produkte en gebak soos beskuit en koekies is ook beskikbaar. En as jy nog nooit skaapbiltong geëet het nie, moet jy nie hierdie stilhouplek misry nie.“Ek dink daar is ’n leemte in Namibië wat padstalle betref. Ons probeer om mense se siening te verander en hulle bloot te stel aan alles wat met ’n padstal te doen het,” het eienaar Jeanette Wolfaardt in ’n onderhoud aan Republikein gesê.Geen lees gerus op Tripadvisor hoe besoekers hierdie padstal se lof besing. Die espresso, gebak en ander tuisgemaakte produkte word geloof. Dit word as as “sielvol” en “heilsaam” beskryf.Reisigers na of van Suid-Afrika kan ook hulle padtoer so beplan dat hulle hier oorslaap. Dit is nou wanneer Covid-19 eendag die wyk neem en ons weer sonder inperkings kan reis waarheen en wanneer ons wil.Daar is sewe nuwe chalets, waarvan vier vir families ingerig is. Almal is en suite en toegerus met lugversorging en luukse wit linne.Ontbyt en middagete word in die restaurant bedien, maar op bestelling kan tweegang aandetes in die chalets vir gaste voorgesit word.Daar is ook ’n gemeenskaplike braaiplek, sou gaste liewer ’n vleisie op die kole wou gooi.Besoek gerus hierdie padstal se Facebookblad vir meer inligting.

Kitchen 51 bied woema vir die langpad

Kommentaar

Republikein 2025-11-04

Meld asseblief aan om kommentaar te lewer

Kitchen 51 bied woema vir die langpad

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.