Kinderporno ‘steeds te maklik beskikbaar’

700%-toename

06 September 2018 | Tegnologie
Petrus Malherbe – Sajid Javid, Brittanje se minister van binnelandse sake, het ’n beroep gedoen op tegnologiemaatskappye om meer te doen om die verspreiding van kinderpornografie te bekamp.

Dit volg op ’n 700%-toename oor die laaste vyf jaar in die aantal aangemelde gevalle van kinderpornografie wat die Britse Nasionale Misdaad-agentskap ontvang het.

Dié agentskap reken dat daar tot soveel as 80 000 pedofiele net in Brittanje skuil, wat ’n gevaar vir kinders aanlyn inhou.

Volgens Javid sal hy nie huiwer om op te tree teen tegnologiemaatskappye soos Google, Facebook en Microsoft as hulle nie genoeg doen om die verspreiding van kinderpornografie te bekamp nie.

In oorleg met Javid se aankondiging het Google op sy korporatiewe blog gesê dat hy nuwe, gratis programmatuur beskikbaar sal stel om te help om kinderpornografie vinniger op te spoor.

Een van die grootste struikelblokke vir tegnologiemaatskappye is die mannekrag wat benodig word om kinderpornografie te identifiseer.

Bestaande tegnologie vergelyk vermeende pornografiese beelde met ’n lys van bestaande foto’s en video’s.

Hierdie tipe sagteware, bekend as “crawlers”, is ’n doeltreffende manier om mense te keer om beelde te deel wat voorheen as kinderpornografie geïdentifiseer is. Maar dit bied geen weerstand teen nuwe beelde nie; waarvoor daar steeds menslike oë nodig is om dit te identifiseer.

In ’n inskrywing op sy korporatiewe blog sê Google sy nuwe programmatuur sal danksy kunsmatige intelligensie kan help om sulke beelde eerste te identifiseer en dit dan aan moderators te stuur vir hersiening.

Een van die grootste struikelblokke vir tegnologiemaatskappye is die mannekrag wat benodig word om kinderpornografie te identifiseer.

Dit sal die proses bespoedig sodat onwettige foto’s en video’s vinniger verwyder kan word.

’n Bykomende kopseer vir reguleerders is die toename in wandade en kindermisbruik wat regstreeks op die internet uitgesaai word danksy platforms soos Facebook Live.

Kenners meen dis ook gans te maklik vir ’n vermeende pedofiel om ’n anonieme rekening op ’n platform soos Facebook oop te maak en dit te gebruik om kinderpornografie mee te versprei. Sodra sy rekening gesluit word, maak hy bloot ’n nuwe een in ’n ander naam oop.

Volgens Javid neem die bedreiging vinniger toe as wat tegnologiemaatskappye maniere kan vind om dit te bekamp.

Miljoene ure se video’s en net soveel foto’s word elke dag op sosiale media gelaai, wat die proses bemoeilik om pornografiese beelde en veral kinderpornografie vinnig op te spoor en te verwyder.

Duitsland het vroeër vanjaar nuwe wetgewing ingestel waarvolgens sosiale netwerke met tot €50 miljoen beboet kan word indien onwettige materiaal nie vinnig genoeg verwyder word nie.

Facebook het in ’n verklaring aan die BBC gesê hy neem Javid se uitlatings ernstig op en sal saam met kenners en ander tegnologiemaatskappye werk om onwettige inhoud vinniger te verwyder. – Netwerk24

Soortgelyk

 

Lugvaart onder vergrootglas

13 ure gelede | Vervoer

Ronelle Rademeyer - Die internasionale lugvaartwêreld se oë is op Namibië om te sien of hy tydens die universele veiligheidsouditprogram (Usap) van die Internasionale Burgerlugvaartorganisasie...

Einde van die pad vir 500ppm diesel

13 ure gelede | Energie

Augetto Graig - Die uitfasering van 500ppm diesel begin op 23 November.Die minister van myne en energie, mnr. Tom Alweendo, sal op dié dag ...

Piepklein en waardevol

13 ure gelede | Omgewing

Tanja Bause Beeskloutjies is unieke plante wat net in die woestyn- en semi-woestyngebiede van westelike en suidelike Namibië en noordelike Suid-Afrika voorkom. By die Alte...

Pragkerk vol bierbottels

13 ure gelede | Infrastruktuur

Tanja Bause Op 'n koppie op die plaas Helme­ringhausen staan 'n kerkie wat met bierbottels gebou is. Die droom van dié kerk het sowat twee...

Weer vir 19 November 2018

13 ure gelede | Weer

BINNELAND: Gedeeltelik bewolk en baie warm tot bloedig warm met enkele donderbuie op plekke.KUS: Gedeeltelik bewolk en koel met miskolle aanvanklik.GETYE BY WALVISBAAI: L...

53 renosters al vanjaar gestroop

13 ure gelede | Omgewing

Francoise Steynberg -'n Onthoringde renoster is in die Suide gestroop en nog een is gekwes.Nadat dié renosterkarkas verlede naweek in die Hardapstreek gevind is, bring...

Grootfontein ontken wanbesteding

13 ure gelede | Regering

Augetto Graig - Grootfontein se geldsake was onlangs onder die vergrootglas toe Namibië se ouditeur-generaal, mnr. Junias Kandjeke, sy kantoor se verslag oor dié dorp...

Noordweste se aardbewings 'n raaisel

13 ure gelede | Plaaslik

Elvira HattinghSedert Maart vanjaar het vyf beduidende aardbewings in die Anker-gebied in die noordweste­ van die land voorgekom - almal het tussen 4,1 en...

Stille getuies van ’n vergange era

13 ure gelede | Toerisme

Tanja Bause – Op die plase Sandvirhaar en Simplon in die suide van die land staan twee kalkoonde wat meer as ’n eeu oud is....