Kim Jong-oen geniet popkonsert gate uit
Die Noord-Koreaanse leier, Kim Jong-oen, en sy vrou, Ri Sol-djoe, was onder die honderde mense wat vir die eerste keer in dekades ’n Suid-Koreaanse popgroep in Pjongjang in Noord-Korea sien optree het.
Luidens Al Jazeera, wat die Korea Herald aanhaal, is die konsert Sondag met 80 minute vertraag nadat Kim onverwags besluit het om dit by te woon.
Byna 120 dansers, musikante, tegnici en gevegskuns-kunstenaars het Saterdag in Pjongjang aangekom vir twee konserte in ’n soort uitruilooreenkoms nadat Noord-Korea atlete gestuur het om aan die Olimpiese Winterspele in Suid-Korea deel te neem.
Sondag se konsert sal met ’n nóg ’n konsert Dinsdag opgevolg word.
Volgens Reuters het Kim tydens die konsert soms op maat van die musiek hande geklap en het hy later van die kunstenaars se hand geskud en foto’s saam met hulle laat neem. – Netwerk24
Luidens Al Jazeera, wat die Korea Herald aanhaal, is die konsert Sondag met 80 minute vertraag nadat Kim onverwags besluit het om dit by te woon.
Byna 120 dansers, musikante, tegnici en gevegskuns-kunstenaars het Saterdag in Pjongjang aangekom vir twee konserte in ’n soort uitruilooreenkoms nadat Noord-Korea atlete gestuur het om aan die Olimpiese Winterspele in Suid-Korea deel te neem.
Sondag se konsert sal met ’n nóg ’n konsert Dinsdag opgevolg word.
Volgens Reuters het Kim tydens die konsert soms op maat van die musiek hande geklap en het hy later van die kunstenaars se hand geskud en foto’s saam met hulle laat neem. – Netwerk24
Kommentaar
Republikein
Geen kommentaar is op hierdie artikel gelaat nie