Kim Jong-oen doen verslag in China oor Trump-beraad
Kim Jong-oen, leier van Noord-Korea, het Dinsdag in Beijing opgedaag, waar hy pres. Xi Jinping van China waarskynlik oor sy beraad met pres. Donald Trump van Amerika sal inlig.
Dit is Kim se derde besoek aan China vanjaar en volg 'n week ná sy vergadering met Trump in Singapoer.
Trump het daartoe ingestem om saam met Kim te werk om die gevaar van kernwapens in die Koreaanse skiereiland te beëindig en het onderneem om militêre oefeninge saam met Suid-Korea stop te sit. 'n Militêre oefening wat in Augustus sou plaasvind, is reeds afgestel. Die Chinese staatsmedia het sy beleid verander deur Kim se besoek twee dae vooraf aan te kondig. Gewoonlik bevestig China eers 'n besoek van Kim nadat hy die land reeds verlaat het. Geen verdere besonderhede is verskaf nie.
In diplomatieke kringe is daar verwag dat Kim China ná sy beraad met Trump sou besoek. China is Noord-Korea se belangrikste diplomatieke en ekonomiese vennoot.
'n Woordvoerder van Suid-Korea se ministerie van buitelandse sake sê dié land en China deel 'n strategiese doelwit om kernwapens heeltemal van die Koreaanse skiereiland te verwyder. China het dit verwelkom dat die spanning tussen die VSA en Noord-Korea verlig word en het sy hulp daarmee aangebied. China is veral tevrede met die opskorting van die militêre oefeninge tussen die VSA en Suid-Korea as deel van 'n “tweeledige opskorting” waarin Noord-Korea wapentoetse staak.
Verlede jaar het 17 500 Amerikaanse troepe en meer as 50 000 Suid-Koreaanse troepe aan 'n gesamentlike oefening deelgeneem. Dit het grootliks uit rekenaarsimulasies bestaan. – Netwerk24/Reuters
Dit is Kim se derde besoek aan China vanjaar en volg 'n week ná sy vergadering met Trump in Singapoer.
Trump het daartoe ingestem om saam met Kim te werk om die gevaar van kernwapens in die Koreaanse skiereiland te beëindig en het onderneem om militêre oefeninge saam met Suid-Korea stop te sit. 'n Militêre oefening wat in Augustus sou plaasvind, is reeds afgestel. Die Chinese staatsmedia het sy beleid verander deur Kim se besoek twee dae vooraf aan te kondig. Gewoonlik bevestig China eers 'n besoek van Kim nadat hy die land reeds verlaat het. Geen verdere besonderhede is verskaf nie.
In diplomatieke kringe is daar verwag dat Kim China ná sy beraad met Trump sou besoek. China is Noord-Korea se belangrikste diplomatieke en ekonomiese vennoot.
'n Woordvoerder van Suid-Korea se ministerie van buitelandse sake sê dié land en China deel 'n strategiese doelwit om kernwapens heeltemal van die Koreaanse skiereiland te verwyder. China het dit verwelkom dat die spanning tussen die VSA en Noord-Korea verlig word en het sy hulp daarmee aangebied. China is veral tevrede met die opskorting van die militêre oefeninge tussen die VSA en Suid-Korea as deel van 'n “tweeledige opskorting” waarin Noord-Korea wapentoetse staak.
Verlede jaar het 17 500 Amerikaanse troepe en meer as 50 000 Suid-Koreaanse troepe aan 'n gesamentlike oefening deelgeneem. Dit het grootliks uit rekenaarsimulasies bestaan. – Netwerk24/Reuters
Kommentaar
Republikein
Geen kommentaar is op hierdie artikel gelaat nie