Kilus Nguvauva as Ovabanderu opperhoof ingesweer
Volg in sy vader se voetspore, ses jaar nadat hy oorlede is.
Die adjunkminister van werke en vervoer, mnr. Kilus Karaerua Nguvauva, is as die opperhoof van die Ovambanderu tradisionele owerheid ingesweer.
Hy volg in sy pa, Munjuka Nguvauva II, se voetspore wat die Ovambanderu-stam vir meer as vyf dekades gelei het.
Munjunka is op 16 Januarie 2008 oorlede.
Tradisionele priesters het die grootste gedeelte van die kroningseremonie gelei wat oor drie dae gestrek het. Tradisionele seremonies en rituele is ook by die Ezorongondo-nedersetting, sowat 30 km oos van Omauezonjanda, rondom die Nguvauva-stam se heilige vuur gehou.
Gedurende die belangrikste deel van die kroningseremonie het die opsigter van die Ovambanderu-troon, waarnemende hoof Gerson Katjirua, amptelik die mag aan die nuwe hoof oorgedra.
In sy aanvaardingstoespraak het Nguvauva almal bedank wat hom ondersteun het in sy strewe om tradisionele hoof te word, en gesê hy sal altyd op hul ondersteuning staatmaak nou dat hy sy nuwe amp ingeneem het.
Nguvauva het ook ’n vriendskaplike hand aan die Mbanderu-stam, onder die leierskap van koningin Aletta Nguvauva, uitgesteek en by sy onderdane gepleit om ander stamlede “huis toe” te verwelkom.
“Ek doen ’n beroep op die Ovambanderu-gemeenskap om in al hul handelinge eenheid te handhaaf. Ons is een nasie en daarom moet ons in alles wat ons doen, saamstaan. Dit maak nie saak aan watter kant die hoofmanskapstryd was nie. Ek sal julle met ope arms na jul huis terug verwelkom,” het hy gesê.
Die kroning van Nguvauva bring ’n einde aan ’n jaar se stryery oor wie die regmatige erfgenaam van die Ovambanderu-troon is, wat sedert Munjuku Nguvauva II se dood in 2008 vakant was.
Sekere stamlede van hierdie eens hegte gemeenskap agkoningin Aletta Karikondua Nguvauva steeds vir as die regmatige hoof van die Ovambanderu.
Sy is die weduwee van wyle Munjuku Nguvauva II, en die biologiese ma van Keharanjo II Nguvauva wat ook aanspraak gemaak het op die Ovambanderu-troon. Keharanjo het egter in 2010 selfmoord gepleeg.
Deur die ministerie van streeks-, plaaslike owerheid, behuising en landelike ontwikkeling (MRLGHRD), het die regering aangedui dat Kilus Nguvauva as hoof aanvaar en amptelik erken sal word.
– Nampa
Hy volg in sy pa, Munjuka Nguvauva II, se voetspore wat die Ovambanderu-stam vir meer as vyf dekades gelei het.
Munjunka is op 16 Januarie 2008 oorlede.
Tradisionele priesters het die grootste gedeelte van die kroningseremonie gelei wat oor drie dae gestrek het. Tradisionele seremonies en rituele is ook by die Ezorongondo-nedersetting, sowat 30 km oos van Omauezonjanda, rondom die Nguvauva-stam se heilige vuur gehou.
Gedurende die belangrikste deel van die kroningseremonie het die opsigter van die Ovambanderu-troon, waarnemende hoof Gerson Katjirua, amptelik die mag aan die nuwe hoof oorgedra.
In sy aanvaardingstoespraak het Nguvauva almal bedank wat hom ondersteun het in sy strewe om tradisionele hoof te word, en gesê hy sal altyd op hul ondersteuning staatmaak nou dat hy sy nuwe amp ingeneem het.
Nguvauva het ook ’n vriendskaplike hand aan die Mbanderu-stam, onder die leierskap van koningin Aletta Nguvauva, uitgesteek en by sy onderdane gepleit om ander stamlede “huis toe” te verwelkom.
“Ek doen ’n beroep op die Ovambanderu-gemeenskap om in al hul handelinge eenheid te handhaaf. Ons is een nasie en daarom moet ons in alles wat ons doen, saamstaan. Dit maak nie saak aan watter kant die hoofmanskapstryd was nie. Ek sal julle met ope arms na jul huis terug verwelkom,” het hy gesê.
Die kroning van Nguvauva bring ’n einde aan ’n jaar se stryery oor wie die regmatige erfgenaam van die Ovambanderu-troon is, wat sedert Munjuku Nguvauva II se dood in 2008 vakant was.
Sekere stamlede van hierdie eens hegte gemeenskap agkoningin Aletta Karikondua Nguvauva steeds vir as die regmatige hoof van die Ovambanderu.
Sy is die weduwee van wyle Munjuku Nguvauva II, en die biologiese ma van Keharanjo II Nguvauva wat ook aanspraak gemaak het op die Ovambanderu-troon. Keharanjo het egter in 2010 selfmoord gepleeg.
Deur die ministerie van streeks-, plaaslike owerheid, behuising en landelike ontwikkeling (MRLGHRD), het die regering aangedui dat Kilus Nguvauva as hoof aanvaar en amptelik erken sal word.
– Nampa
Kommentaar
Republikein
Geen kommentaar is op hierdie artikel gelaat nie