Kiestyd wink vir Baster-gemeenskap

DIE REHOBOTH BASTER GEMEENTE SKRYF:Groot opgewondenheid en entoesiasme heers tans onder die Bastervolk in aanloop tot die verkiesing van ’n nuwe kaptein.Hierdie proses gaan met gemengde gevoelens en hartseer gepaard na die heengaan van Kaptein John McNab. Die heengaan van Kaptein McNab het hierdie posisie vakant gelaat, daarom is die verkiesing van ’n opvolger van kardinale belang.Die Vaderlike wet is duidelik met betrekking tot die opvolgingsprosedure. Genoemde Vaderlike wette maak voorsiening dat die langsdienende Kapteinsraadslid as waarnemende Kaptein die jurisdiksie het en ’n verkiesing moet aankondig. Terwyl daar gewerk was aan die verkiesingsproses het die langsdienende raadslid, Mnr. Barney Buys, egter ook die lewe gelaat en die volk verder in rou gedompel.Die huidige raadslid en waarnemende kaptein, mnr. Cyril Pienaar, wie die leisels oorgeneem het, het ’n verkiesingskomitee van vrywilligers saamgeroep tydens ’n openbare vergadering wat gehou was op 7 Februarie 2021 in die Hermanus Van Wyk-gedenksaal. Die doel van die komitee is om die kaptein by te staan en die verkiesingsproses te hanteer.Lede van die verkiesingskomitee is as volg:Mnr. Hans Mostert (Voorsitter)Mnr. Wesley Harker (Onder-voorsitter)Mnr. Patrick Jankowski (Hoof Media-beampte)Mnr. Jade Izaks (Sekretaris)Mnr. Patrick AngermundMev. Johanna Van Wyk (Onder-sekretaris)Mnr. Elrico Van Wyk (Tesourier)Mnr. Hilmar BeukesMnr. Attie StraussMnr. Ethan EngelbrechtDie registrasieproses vir voornemende kiesers is tans aan die gang, daarom moedig die waarnemende kaptein tesame met die verkiesingskomitee die volk aan om hulself te registreer vir sodanige kapteinsverkiesing.VEREISTESDie verkiesingskomitee doen ’n beroep op die volk om die volgende in ag te neem wanneer hulle persone as hul kandidaat voorstel.'n Kapteinskandidaat moet:• Die Vaderlike wette erken, homself onderwerp aan genoemde wet en uitvoering daaraan gee; • Moet ’n kampvegter wees vir die behoud, oorlewing en voortbestaan van die Rehoboth Bastervolk;• ’n Kampvegter wees vir die herstel van die bestaande regte van die Bastervolk;• Moet die volk verenig en strewe na blywende eenheid.Die verkiesingskomitee wil voornemende kandidate motiveer en aanmoedig dat die funksies van ’n waardige kaptein die Vaderlike wet as fondament het, wat hy tesame met sy raad tot uitvoering moet bring. Die voornemende kapteinskandidaat en raad moet die volk se verbeelding aangryp, die Bastervolk op voetsoolvlak bereik en werk aan ’n beter toekoms vir Rehoboth, wat behoue sal bly vir toekomstige geslagte.Ons hoop dat die toekomstige kaptein en raad sal fokus op die belangrike taak waarvoor hulle geroep word, en hulself nie sal beperk tot ’n eindelose gepraat in sosiale media nie.Dit is die wens van die waarnemende kaptein en verkiesingskomitee dat die voornemende kaptein en raad hul gaan beywer vir daadwerklike aksie en almal sal oproep om betrokke te raak en deel te word van ’n nuwe Rehoboth, en dat hulle sal voortbou op die stewige fondament wat gelê is deur hul voorgangers vir 'n dorp waar almal in vrede, harmonie en voorspoed kan voortbestaan.Tans is die waarnemende kaptein en verkiesingskomitee besig met die reël van landwye inligtingsvergaderings. Die kantoor van die Baster Gemeente versoek alle ingeskrewe lede, voornemende kiesers en simpatiseerders om die kantoor te kontak, sodat inligtingsvergaderings in hul onderskeie dorpe en streke gereël kan word.Hierdie landwye inligtingsvergaderings is belangrik vir:• Registrasie van voornemende kiesers;• Verduideliking van die nominasieproses van kapteinskandidate aan voornemende kiesers;• Verduideliking van vereistes vir voornemende kapteinskandidate;• Verduideliking van die registrasieproses van kapteinskandidate.Die verkiesingskomitee moedig veral lede aan wie woonagtig buite Rehoboth is, om die kantoor van die RBG te kontak by 081 435 2650 of 081 778 6632.

Kiestyd wink vir Baster-gemeenskap

Kommentaar

Republikein 2025-11-07

Meld asseblief aan om kommentaar te lewer

Kiestyd wink vir Baster-gemeenskap

Kommentaar

Republikein 2025-11-07

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.