Khorixas-kunstenaar wen weer

Yandi du PlessisErentia Bedeker kon reeds as ’n internasionaal bekroonde kunstenaar beskryf word toe Ruby & Roach strawwe kompetisie geklop het om met twee toekennings by die Durban Internasionale Filmfees bekroon te word. Die fliek het die toekennings vir beste Suid-Afrikaanse én beste Afrika-kortflim ontvang. “Ons is baie trots en geëerd met dié twee toekennings en die erkenning wat daarmee gepaard gaan,” het sy in ’n vorige onderhoud met Republikein gesê. Aangesien die fliek geen dialoog bevat nie, kan die storielyn slegs deur die animasie en klankeffekte uitgebeeld word. Ruby & Roach is op 31 Desember aangewys as die beste kinderrolprent by die 2020 Tbilisi Internasionale Animasie Fees in Georgië. “Wat ’n goeie manier om die ou jaar af te sluit!” sê Erentia opgewonde. Ongelukkig kon sy nie die volledige lys inskrywings by die fees te sien kry nie, maar daar was films vanoor die wêreld het – oraloor Europa, Asië en die VSA, vertel sy. Oor die drie internasionale toekennings wat Ruby & Roach tot dusver ingepalm het, sê Erentia: “Dit voel onrealisties! Dit is heerlik om van so ver af raakgesien te word en te weet my werk is op dieselfde standaard as soortgelyke projekte uit Europa en die VSA.”Die fliek is ook benoem in die beste animasiekortfilm-kategorie by die Hollywood Art and Movie Awards in Los Angeles, waarvan die uitslae einde Januarie bekend gemaak sal word. Hierbenewens is Ruby & Roach nog by “menige” ander filmfeeste wêreldwyd ingeskryf. “As jong filmmaker voel ek geweldig trots dat soveel feeste my film raaksien. Dit is geweldig moeilik om iets vars en nuuts te skep in ons digitale era, so dit is maar altyd ’n oë-toeknyp-en-hoop-vir-die-beste-gevoel wanneer jy jou film die wêreld instuur,” het sy vroeër gesê.Erentia, wat nou in Suid-Afrika werk, is opgewonde om haar passie met haar mede-Namibiërs te deel. Khorixas en Damaraland is glo die bron van inspirasie, direk of indirek, vir baie van haar werk. “Om films te maak, kan eensaam wees, so alleen in jou donker ateljee. Dis lekker dat Ruby & Roach nou in die kollig kan wees en dat ek dit ook met my landsgenote kan deel. Al werk ek nou hier in Suid-Afrika, is ek in my wortels vir altyd eers ’n kind van die Land of the Brave!”Gaan kyk gerus op hul Instagram by @rubyandroachmovie of Facebook-blad, Ruby & Roach, na die agter-die-skerms foto’s en video’s van die animasieproses.– yandi@republikein.com.na

Khorixas-kunstenaar wen weer

Kommentaar

Republikein 2026-02-04

Meld asseblief aan om kommentaar te lewer

Khorixas-kunstenaar wen weer

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.