Khorab vereer hul bestes

Die Sekondêre Skool Khorab op Otavi het onlangs hul jaarlikse prysuitdeling gehad. Dit is, soos altyd, in die skoolsaal gehou, nadat die Millenium Challenge Account (MCA) die saal herstel het.Mnr. Julius Neumbo, voorsitter van die Otjozondjupastreek, was die hoofspreker en die motiverende spreker was mnr. Moses Matyayi, hoof uitvoerende beampte van die dorpsraad. Selfs die parlementslid me. Laina Nekundi was daar.Meer as 300 sertifikate is uitgedeel aan meer as 190 leerlinge.Brons, silwer en goue sertifikate is uitgedeel aan leerlinge wat onderskeidelik tussen 65% en 69% behaal het, tussen 70% en 79%, en bo 80%.Die beste leerling in graad 8 was Lihandry Uises, in graad 9 was dit Oreemetse Moshosho en in graad 11 Stellencia Khairabes. Nadine Gaoas het 'n uitmuntende 7 A's in die graad 10-eksamen bereik. Leerlinge het goue medaljes én prysgeld ontvang wat deur Spar geborg is.Nadine het weggeloop met prysgeld van N$1 000 en die Hans Haraseb-wisseltrofee. Mnr. Julius Neumbo het ook N$1 000 prysgeld oorhandig aan leerlinge wat A's vir graad 10-Wiskunde gekry het. Die Otavi-dorpsraad het ook die beste Natuur- en Skeikunde-leerlinge met N$1 000 geborg en prysgeld aan die tweede beste leerling, Jeffrey Tsam, oorhandig.Die tweede beste leerlinge van elke graad het ook vanjaar vir die eerste keer trofees gekry wat deur Sanlam geborg is.Mnr. Matyayi het leerlinge aangemoedig om beginselvas te wees, te volhard en te volhou.

Khorab vereer hul bestes

Kommentaar

Republikein 2025-07-08

Meld asseblief aan om kommentaar te lewer

Khorab vereer hul bestes

Kommentaar

Republikein 2025-07-08

Meld asseblief aan om kommentaar te lewer

MELD AAN

Advertensie