Khomas-polisie oorskadu ander streke op sportveld

Die Namibiese polisie se nasionale sportkampioenskap is verlede week op Swakopmund gehou waar Khomas algeheel die beste presteer het, terwyl Ohangwena en Omusati onderskeidelik tweede en derde geplaas was.Spanne van al 14 streke het vir vyf dae by die kus saamgetrek om in verskeie sportkodes teen mekaar mee te ding. Aan die einde van die kompetisie is nasionale spanne gekies wat later vanjaar aan die Suidelike Afrika streekpolisiehoofde samewerkingsorganisasie (SARPCCO) se spele in Lesotho gaan deelneem.Genl.maj. Desiderius Shilunga, streekbevelvoerder van Khomas, het ná die spele die atlete aangemoedig om meer by sport betrokke te raak en hul bevelvoerders gevra om genoeg tyd vir die beoefening van sport toe te laat.“Moet nie die manne en vroue verhoed om aan sport deel te neem nie; laat hulle toe om te gaan sodat hulle kan groei en die land op nasionale vlak verteenwoordig. Julle moet sorg dat julle fiks bly en sluit ook by private klubs aan,” het die bevelvoerder gesê.Inspekteur Timo Haikonda, adjunkhoof vir sport en ontspanning, het gesê die kompetisie is 'n teelaarde vir sportmanne en vroue wat onder meer sokker in die Namibiese Premierliga, of in ander kodes se nasionale spanne speel.Volgens Haikonda, ook 'n bekende boksskeidsregter, het die Namibiese regering nie vir die spele betaal nie, maar wel private borge.“Ons gaan nou al begin soek na borge om volgende jaar se spele te borg,” het die inspekteur gesê.

Khomas-polisie oorskadu ander streke op sportveld

Kommentaar

Republikein 2026-08-12

Meld asseblief aan om kommentaar te lewer

Khomas-polisie oorskadu ander streke op sportveld

Kommentaar

Republikein 2026-08-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.