Khomas fokus op onderwys en gesondheid

Maria EisebDie Khomasstreek ervaar baie uitdagings - die grootste hiervan op die gebiede van onderwys en gesondheid.Dít volgens me. Rachel Jacob, raadsvoorsitter, tydens die opening van die raad in die hoofstad.Vir die vorige finansiële jaar is op onderwys en gesondheid gefokus. Verskeie skoolprojekte is onderneem, wat insluit die bou van nuwe klaskamers en die opknap van verskeie skoolkoshuise.Jacob sê die proses om nuwe leerlinge jaarliks in skole te plaas, is baie moeilik - veral dié wat van ander streke afkomstig is.Hoewel tentklaskamers opgerig is, akkomodeer dit steeds nie almal nie, het sy gesê.“Ten spyte van die finansiële druk wat ons in die streek en dwarsoor die land ervaar, kon ons 40 nuwe klaskamers by verskeie skole in die kiesafdelings voeg - dit sluit in die Tobias Hainyeko-kiesafdeling, die Khomasdal-kiesafdeling, die Samora Machel-kiesafdeling, die Windhoek- landelike kiesafdeling en die Katutura- sentrale kiesafdeling,” het sy gesê.“In terme van akkommodasie vir onderwysers is ’n woonstel by Nicolas Witbooi Memorial School in die Windhoek- landelike kiesafdeling gebou, asook ’n woonstel en 'n tweeslaapkamerhuis by Laerskool Kwakwas.”Volgens Jacob het die raad ook opknapwerk by die volgende skole gedoen: Hoërskool Augustineum, Eros Meisieskool, Hoërskool C.J. Brandt, Hoërskool A. Shipena, Hoërskool Eldorado, Windhoek Hoërskool, Hoërskool Hage Geingob en Laerskool Van Rhyn.“Planne om nuwe skole te bou, is om finansiële redes tydelik gestaak, maar sodra die fondse beskikbaar is, sal ’n hoërskool in die Moses ||Garoëb-kiesafdeling gebou word,” het sy gesê.Ten spyte van die feit dat baie hulpbronne belê is in skole en in kapasiteitsbou vir onderwysers, het 2017 se eksamenuitslae bewys baie moet nog gedoen word om die streek se nasionale posisie in die onderwys te verbeter.Verder het Jacob gesê die strategiese plan vir die ontwikkeling van gemeenskaplike opvoeding was om openbare gesondheid te verbeter.”Tot dusver het ons praatjies op verskillende radiostasies gelewer om die gemeenskap bewus te maak van siektes en hoe om dit te voorkom.”Jacob het gesê die gebrek aan watertoevoer en toiletgeriewe in nedersettings is nog ’n groot uitdaging en dit is ’n moontlike oorsaak van die onlangse uitbreking van hepatitis E in die Khomasstreek.Sy het raadslede gevra om in die gemeenskap se belang op te tree, die mense te dien en om toegewyd te wees.

Khomas fokus op onderwys en gesondheid

Kommentaar

Republikein 2025-11-05

Meld asseblief aan om kommentaar te lewer

Khomas fokus op onderwys en gesondheid

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.