Khomas-federasie sit skouer aan die wiel

Die Khomas Boksfederasie (KBF) het beloof om ekstra hard te werk om te verseker dat amateurboks in die streek floreer.Die KBF se skakelbeampte, Immanuel (Imms) Moses, sê hoewel die kwessie van finansiering vir sport 'n groot uitdaging in Namibië bly, sal die federasie nie hande gevou sit en toekyk hoe boks 'n stadige dood sterf nie. “Finansiering vir sport in Namibië is baie skaars. Dit geld nie net vir boks nie, want alle sportaktiwiteite in die land sukkel hiermee. Vanweë hierdie uitdagings sal ons ekstra hard werk om boks vorentoe te neem en te verseker dat boksers die hoogste sport bereik,” sê Moses.Hy het uitgewys dat boks in Namibië oor die algemeen 'n goeie jaar in 2016 beleef het. Paulus Ambunda het as IBO-kampioen sy verenigende wêreldtitelgeveg teen Moises Flores van Mexiko verloor, maar drie wêreldgordels is bygevoeg, naamlik twee deur Julius (Blue Machine) Indongo en een deur Bethuel (Tyson) Ushona.“Tesame met ons een goue medalje by die Afrika-unie Streek 5 Jeugspele in Angola (Kadhila Shikongo) wys dit dat ons sport onder moeilike omstandighede steeds in die regte rigting beweeg,” sê Moses.Hy het 'n beroep op die nasionale beheerliggaam gedoen om ewe hard te werk om die streekorganisasies te ondersteun.Die Namibiese Boksfederasie (NBF) se president, Benjamin Rebang, sê hulle beoog om met die private sektor vir finansiering van hul projekte saam te werk.“Ons werk vanjaar volgens 'n omvattende plan en sal binnekort gereed wees om dit met die publiek te deel. Ons wil vanjaar twee interstreek kampioenskappe aanbied, asook 'n paar internasionale geleenthede.” Rebang het die streke se bestuur geloof vir hul rol om boksers te ontwikkel en het beloof dat die nasionale federasie waar moontlik sal ondersteun.Hy het gesê die NBF wil dit nie laat lyk asof hulle die streekliggame se taak wil oorneem deur 'n klomp amateurtoernooie te reël nie.Die KBF is uit klubs in die Khomasstreek saamgestel. Dit sluit in Mistake Boksklub, Soweto Boksklub, Golden Boksklub, MTC Sunshine Boksklub, Afterschool Boksklub, Warriors Boksklub, Unam Boksklub, NUST Boksklub en 21 Brigade Boksklub.Verlede jaar het die KBF tien toernooie aangebied om amateurs te help ontwikkel.

Khomas-federasie sit skouer aan die wiel

Kommentaar

Republikein 2026-06-09

Meld asseblief aan om kommentaar te lewer

Khomas-federasie sit skouer aan die wiel

Kommentaar

Republikein 2026-06-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.