Khomas: 24 primêre leerlinge swanger in 2020
Sommige van die kinders word deur hul eie pa's, ooms, broers en neefs verkrag, sê die waarnemende direkteur van onderwys in dié streek.
Ten minste 24 leerlinge van primêre skole in die Khomasstreek het verlede jaar swanger geraak, volgens statistiek wat deur die direktoraat van onderwys vir die streek verskaf is.
Die statistiek wys die streek het 371 swangerskappe onder leerlinge aangeteken, waarvan 26 in spesiale skole, 24 in primêre en 321 in sekondêre skole was. 'n Totaal van 139 swangerskappe is in die eerste en tweede termyn aangeteken en 232 in die derde termyn.
Die 371 swangerskappe wat verlede jaar in Khomas aangeteken is, is 'n skerp toename van die 246 swangerskappe wat in 2019 aangeteken is.
“Ons het nie die presiese getalle van leerlinge wat deur ouer mans of medeleerlinge swanger gemaak is nie. Ons is egter wel bewus van baie van die meisies wat swanger geraak het by mense wat nie in die skool is nie,” sê die verslag.
Die waarnemende direkteur van onderwys in die Khomasstreek, mnr. Paulus Lewin, het aan Nampa gesê die skokstatistieke is een van verskeie redes waarom die ministerie van onderwys, kuns en kultuur besluit het om skole te open ten spyte van 'n toename in Covid-19-gevalle in die land.
“Ons het te veel aaklige goed gesien wat met kinders gebeur terwyl hulle by die huis is. Veral jong meisies, hulle is die mees kwesbare groep. Sommige van die kinders word deur hul eie pa's, ooms, broers en neefs verkrag,” het Lewin gesê.
Hoewel kinders 'n hoër risiko het om Covid-19 te kry terwyl hulle in die skool is, is die meeste volgens hom veiliger van ander maatskaplike euwels wanneer hulle tuis is.
Volgens Lewin maak die meeste kinders op skole staat vir sosioëkonomiese ondersteuning in terme van kos deur die skoolvoedingsprogramme sowel as sanitasie wat nie vir sommige kinders beskore is wanneer hulle nie by die skool is nie.
“Ons skep 'n veiligheidsnet vir kinders wanneer hulle by die skool is. Ons sê nie hulle gaan nie Covid-19 opdoen nie, maar ons wil hulle uit die omstandighede tuis haal en 'n beter omgewing bied.
“Dit gaan nie net oor onderrig nie. Onderrig is die hoofdoel, maar dit gaan ook oor die welstand van hierdie kinders wat ook ons prioriteit is,” het Lewin gesê.
– Nampa
Die statistiek wys die streek het 371 swangerskappe onder leerlinge aangeteken, waarvan 26 in spesiale skole, 24 in primêre en 321 in sekondêre skole was. 'n Totaal van 139 swangerskappe is in die eerste en tweede termyn aangeteken en 232 in die derde termyn.
Die 371 swangerskappe wat verlede jaar in Khomas aangeteken is, is 'n skerp toename van die 246 swangerskappe wat in 2019 aangeteken is.
“Ons het nie die presiese getalle van leerlinge wat deur ouer mans of medeleerlinge swanger gemaak is nie. Ons is egter wel bewus van baie van die meisies wat swanger geraak het by mense wat nie in die skool is nie,” sê die verslag.
Die waarnemende direkteur van onderwys in die Khomasstreek, mnr. Paulus Lewin, het aan Nampa gesê die skokstatistieke is een van verskeie redes waarom die ministerie van onderwys, kuns en kultuur besluit het om skole te open ten spyte van 'n toename in Covid-19-gevalle in die land.
“Ons het te veel aaklige goed gesien wat met kinders gebeur terwyl hulle by die huis is. Veral jong meisies, hulle is die mees kwesbare groep. Sommige van die kinders word deur hul eie pa's, ooms, broers en neefs verkrag,” het Lewin gesê.
Hoewel kinders 'n hoër risiko het om Covid-19 te kry terwyl hulle in die skool is, is die meeste volgens hom veiliger van ander maatskaplike euwels wanneer hulle tuis is.
Volgens Lewin maak die meeste kinders op skole staat vir sosioëkonomiese ondersteuning in terme van kos deur die skoolvoedingsprogramme sowel as sanitasie wat nie vir sommige kinders beskore is wanneer hulle nie by die skool is nie.
“Ons skep 'n veiligheidsnet vir kinders wanneer hulle by die skool is. Ons sê nie hulle gaan nie Covid-19 opdoen nie, maar ons wil hulle uit die omstandighede tuis haal en 'n beter omgewing bied.
“Dit gaan nie net oor onderrig nie. Onderrig is die hoofdoel, maar dit gaan ook oor die welstand van hierdie kinders wat ook ons prioriteit is,” het Lewin gesê.
– Nampa
Kommentaar
Republikein
Geen kommentaar is op hierdie artikel gelaat nie