Kevin Lowe naaste aan Tristan se agterwiel
Bergfietsry
Tristan de Lange was in 'n klas van sy eie aan die voorpunt van die Nedbank Rock & Rut bergfietsreeks se byeenkoms nommer drie by Farm Windhoek.
Met sy internasionale ondervinding was sy oorwinning Saterdag heeltemal te wagte. Hy het immers sy voorsprong in die reeks bloot vergroot nadat hy reeds byeenkoms 1 en 2 ook gewen het, nadat hy tydens “byeenkoms Zero” afwesig met verpligtinge in Suid-Afrika was.
De Lange het reeds aan die einde van die eerste (uit sewe) baanrondtes die voortou geneem en het dit nooit laat glip nie.
Sy naaste opposisie was die veel jonger onder 16-ryer Kevin Lowe, wie se wedren egter net uit vyf baanrondtes bestaan het. Lowe het nietemin deurentyd net sowat 'n minuut of twee agter De Lange in 'n wedren op sy eie gebly en was een van die indrukwekkende presteerders van die dag.
De Lange (1 uur 14 minute 39 sekondes) het in die elite mansklas los voor Xavier Papo (1:21:35) en Danzel de Koe (1:22:29) klaargemaak.
VROUE MEER KOMPETEREND
Die elite vroueresies was heelwat meer kompeterend, met Courtney Liebenberg wat as wenner uit die stryd getree het.
Liebenberg (01:08:24), wat goeie vordering maak in haar terugkeer ná 'n beenfraktuur verlede jaar, het tydens die vyf baanrondtes nooit kans gehad om te ontspan teen die aanslag van Nicola Fester (1:09:26), Gabriela Raith (1;10:26) en Irene Steyn (1:12:03) nie.
Michelle Döman, die enigste inskrywing vir vroue subveterane, het haar vier rondtes in 57 minute 25 sekondes voltooi. Elanor Grassow was oor dieselfde afstand eerste van die veterane (57:03), gevolg deur Marion Schonecke (59:49) en Anneke Steenkamp (1:11:27). Die o.16-meisies het ook vier rondtes gery, met Ada Kahl eerste (58:01).
Hans du Toit was eerste van die subveteraan mans (vyf rondtes, 59:52) en Greg Chase was die wenners van die meestersmans (vier rondtes, 49 minute 20 sekondes).
FOTO’s
Tristan de Lange seil deur ’n rivierloop tydens Saterdag se byeenkoms. Foto Andrew Poolman
Kevin Lowe kry sy wiel voor die laaste wegspringgroep vir mans (elite, subveterane, veterane en seuns o.16)
Met sy internasionale ondervinding was sy oorwinning Saterdag heeltemal te wagte. Hy het immers sy voorsprong in die reeks bloot vergroot nadat hy reeds byeenkoms 1 en 2 ook gewen het, nadat hy tydens “byeenkoms Zero” afwesig met verpligtinge in Suid-Afrika was.
De Lange het reeds aan die einde van die eerste (uit sewe) baanrondtes die voortou geneem en het dit nooit laat glip nie.
Sy naaste opposisie was die veel jonger onder 16-ryer Kevin Lowe, wie se wedren egter net uit vyf baanrondtes bestaan het. Lowe het nietemin deurentyd net sowat 'n minuut of twee agter De Lange in 'n wedren op sy eie gebly en was een van die indrukwekkende presteerders van die dag.
De Lange (1 uur 14 minute 39 sekondes) het in die elite mansklas los voor Xavier Papo (1:21:35) en Danzel de Koe (1:22:29) klaargemaak.
VROUE MEER KOMPETEREND
Die elite vroueresies was heelwat meer kompeterend, met Courtney Liebenberg wat as wenner uit die stryd getree het.
Liebenberg (01:08:24), wat goeie vordering maak in haar terugkeer ná 'n beenfraktuur verlede jaar, het tydens die vyf baanrondtes nooit kans gehad om te ontspan teen die aanslag van Nicola Fester (1:09:26), Gabriela Raith (1;10:26) en Irene Steyn (1:12:03) nie.
Michelle Döman, die enigste inskrywing vir vroue subveterane, het haar vier rondtes in 57 minute 25 sekondes voltooi. Elanor Grassow was oor dieselfde afstand eerste van die veterane (57:03), gevolg deur Marion Schonecke (59:49) en Anneke Steenkamp (1:11:27). Die o.16-meisies het ook vier rondtes gery, met Ada Kahl eerste (58:01).
Hans du Toit was eerste van die subveteraan mans (vyf rondtes, 59:52) en Greg Chase was die wenners van die meestersmans (vier rondtes, 49 minute 20 sekondes).
FOTO’s
Tristan de Lange seil deur ’n rivierloop tydens Saterdag se byeenkoms. Foto Andrew Poolman
Kevin Lowe kry sy wiel voor die laaste wegspringgroep vir mans (elite, subveterane, veterane en seuns o.16)
Kommentaar
Republikein
Geen kommentaar is op hierdie artikel gelaat nie