Keshav se driekuns ruk Windies

Tinus van Staden – Keshav Maharaj het geskiedenis gemaak deur die eerste Suid-Afrikaanse draaibalbouler te word wat in toetskrieket ’n driekuns aan paaltjies behaal.Ná Maharaj (3/15) se drie wonderballe in die eerste sessie op dag 4 van die tweede toets teen die Wes-Indiese Eilande, is hy boonop slegs die tweede Suid-Afrikaner wat met ’n toetsdriekuns spog.Die ander een is Geoff Griffin, ’n regterarm-snelbouler, met ’n driekuns teen Engeland op Lord’s in 1960.Danksy Maharaj en Kagiso Rabada (3/38) is die Proteas teen middagete gerieflik in die saal. Ná aanvanklike weerstand het die Windies verkrummel en hulle staan op 109/6 – steeds 215 lopies weg van die teiken van 324.Rabada het twee vroeë deurbrake gemaak deur van Kraigg Brathwaite (6) en Shai Hope (2) ontslae te raak. Hy het Kyle Mayers been voor paaltjie betrap met die bal net nadat hy van Hope ontslae geraak het, maar dit was ’n foutbal.Mayers (34) en Kieran Powell (51) het Suid-Afrika daarna met ’n vennootskap van 64 frustreer, voordat Rabada later wel van Mayers ontslae geraak het.Daarna het Maharaj sy driekuns behaal deur vir Powell aan die bykant, Jason Holder in die slagysterposisie en Joshua da Silva op glip te laat uitvang.FOTOKeshav Maharaj het Maandag in die tweede toets teen die Wes-Indiese Eilande ’n driekuns aan paaltjies behaal. Foto Gallo Images

Keshav se driekuns ruk Windies

Kommentaar

Republikein 2025-12-16

Meld asseblief aan om kommentaar te lewer

Keshav se driekuns ruk Windies

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.