Kerkleiers steun gate-ondersoek

Catherine Sasman - ’n Gesamentlike komitee, bestaande uit die Komitee van Ouers en die Waarheids- en Geregtigheidskomitee, sê ‘n aantal kerkleiers in Namibië het belowe hulle sal die voorgestelde kommissie van ondersoek na Swapo se gate-sage steun.Die voorsitter van die gesamentlike komitee, me. Erica Beukes, het in ‘n verklaring aan internasionale instansies en instansies van die Verenigde Nasies, regerings, insluitende die Namibiese regering, en die leier van die Arbeidersparty in Brittanje, mnr. Jeremy Corbyn, gesê die ondersoek sal Namibië as ’n nasie baie help om met die helingsproses te begin - iets wat andersins nie moontlik sou wees nie.Ondanks die feit dat die Lutherse Wêreldfederasie (LWF) nie gereageer het op eise vir ‘n verskoning vir oorlogsmisdade wat deur Swapo in ballingskap gepleeg is nie, het die gesamentlike komitee briewe aan al die kerke in Namibië gestuur om die ondersoek te steun.Die gesamentlike komitee het op 28 Junie gesê hulle het met die Anglikaanse biskop, mnr. Luka Pata, en kanunnik, mnr. Samuel Kaxuxuena, vergader en dat hulle hul steun en bystand beloof het.Pata was die Suid-Afrikaanse verteenwoordiger in die volksmoordondersoek in Burundi.Die gesamentlike komitee het ook met eerwaarde Winifred G. van Rooi-Baumann van die Metodiste-kerk vergader, wat ingestem het om die saak met ander kerkleiers op te neem. Volgens die komitee het sy gesê die saak moet hanteer word om onder meer die posttraumatiese stres van diegene wat by die oorlog betrokke was, die hoof te bied.‘n Biskop van ELCRN het voorgestel dat die saak deur die Raad van Kerke in Namibië (CCN) opgeneem word. Die hoofsekretaris van die CCN, mnr. Ludwig Beukes, het gesê die saak sal tydens ‘n vergadering van kerkleiers in Augustus bespreek word.Die Rooms-Katolieke biskop, mnr. Liborius Nashenda, het ook saamgestem dat die saak tydens die CCN-vergadering bespreek moet word.Erica Beukes het ook vir mnr. Gordon Cassim van die Suid-Afrikaanse Vereniging van Inheemse Mense ingelig oor die ondersoek en hy het sy goedkeuring daarvoor gegee.Die gesamentlike komitee sê in hul verklaring hierdie vereniging het ‘n regstreekse belang by die ondersoek omdat lede van die Khoisan “summier deur die Swapo-leierskap tereggestel is bloot omdat hulle Khoisan was”.

Kerkleiers steun gate-ondersoek

Kommentaar

Republikein 2025-05-01

Meld asseblief aan om kommentaar te lewer

Kerkleiers steun gate-ondersoek

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie