Kennis is mag

Adolf KaureDie brein is ’n spier. Net soos enige ander spier in die ligaam benodig dit ook oefening. En wat is beter oefening vir die brein as om te lees.My wiskunde-onderwyseres op hoërskool het my gewaarku al is ek ’n slim leerling moet ek dit nie vanselfsprekend aanvaar nie. Sy het gesê al die potensiaal wat ek daardie tyd in graad 10 gehad het, kan verdwyn as ek nie hierdie spier ontwikkel nie.Daardie tyd was ek nog ’n tiener en het my oë in die klas rondgedwaal, want ek was te besig om al die pragtige meisies dop te hou en om in my eie wêreld van fantasie weg te raak. Gelukkig het ek haar raad gevolg en hard gestudeer en ek het matriek met lof geslaag.Ek het van daardie dag af ’n kultuur van lees aangeneem en besluit om te lees is baie belangrik vir my ontwikkeling, nie net as ’n leerling nie, maar vir my as mens ook. Vandag is ons bevoorreg om dinge soos internet te hê waar ons klomp inligting kan lees en leer. Baie van vandag se jong mense misbruik die internet en gebruik dit om onnodige dinge op te soek en kyk soos pornografie, oor mekaar te skinder op WhatsApp en speletjies te speel.Net soos ’n atleet, wat vyf keer per week na die gimnasium gaan om vir ’n wedstryd voor te berei en fiks te word, moet ons almal dit ernstig vat om kennis ’n prioriteit te maak.Die wêreld het nou verander. Dit is nie meer die fisieke sterk mens wat die voordeel in die lewe het nie, maar die persoon wat baie dinge weet en weet hoe om dit tot sy voordeel te gebruik om ’n beter lewe vir homself te skep.Elke persoon wat ’n vaardigheid aanleer wat ander mense nie het nie, is in ’n baie goeie posisie. Die persoon kan sy kennis en vaardighede op baie verskillende maniere verkoop. Hierdie persoon kan seminare aanbied en ander mense van sy vaardighede leer en geld daaruit maak. Dit is ook makliker vir hierdie persoon om meer suksesvol in sy lewe te wees teenoor iemand wat minder kennis het.Soos hulle sê kennis is mag. Nou dat die graad 11’s en 12’s se uitslae uitgekom het, is dit duidelik dat die leerlinge wat hard studeer het ’n beter toekom vir hulself geskep het. Vir die ander leerlinge wat ander dinge ’n prioriteit gemaak het, is dit ’n les om boeke ernstig op te neem en iets te doen om kennis te versamel in onderwerpe waaroor hulle passievol en waarin hulle talentvol is.

Kennis is mag

Kommentaar

Republikein 2026-06-12

Meld asseblief aan om kommentaar te lewer

Kennis is mag

Kommentaar

Republikein 2026-06-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.