Kenner van familieondernemings kom lewer praatjie

25 February 2020 | Kuns en vermaak
Een van Suid-Afrika se voorste kenners van familieondernemings lewer Vrydagoggend op uitnodiging van die kultuurorganisasie, Netwerk, ‘n ontbytpraatjie by Am Weinberg Hotel in Windhoek.
Prof. Elmarie Venter sal riglyne gee vir die bestuur van só ‘n sakeonderneming, met spesifieke klem op die opvolg- en bestuursvraagstukke in familieondernemings. Venter is ‘n veelbekroonde akademikus wat gereeld in vaktydskrifte publiseer.
Sy is 'n dosent in die departement ondernemingsbestuur aan die Nelson Mandela Universiteit, dieselfde posisie wat sy vir sewe jaar by die Universiteit Stellenbosch beklee het. Sy is ook 'n stigterslid van die Nelson Mandela Universiteit se Familiebesigheidseenheid (FBU), die eerste en enigste navorsingseenheid in sy soort in Afrika.
Die eenheid het 'n strategiese, groei-georiënteerde benadering ten opsigte van familiebesighede en streef daarna om sakefamilies by te staan om 'n deurlopende nalatenskap van entrepreneurskap te skep. Die FBU is ook die enigste Afrika-filiaal van die internasionale projek beekend as “Successful Transgenerational Entrepreneurship Practices (STEP)”.
Netwerk, gestig in 2006, bied die afgelope jaar gereeld etes aan om die organisasie aan die Afrikaanse sakesektor bekend te stel, en onderlinge samewerking en vestiging van netwerke te verseker. Aktuele sake kom onder die loep om waarde toe te voeg tot ondernemings in Namibië.
Die tweede spreker Vrydagoggend is me. Andrea Benkenstein, ʼn senior bestuurder by PwC wat spesialiseer in familieondernemings. Plaaslike personeel van PwC sal beskikbaar wees om navrae te hanteer.
Die geleentheid begin om 07:30 en by Am Weinberg Hotel sal tot 09:00 duur. Kaartjies is beskikbaar teen N$300 per persoon of N$3 000 per tafel van 10 by www.today.com.na, die PayToday app of Airtime City-masjiene. Kontak [email protected] vir enige verdere navrae.
Vir ʼn afspraak met PwC na afloop van die geleentheid, kontak [email protected] Die geleentheid word geborg deur PwC, Town Lodge Windhoek en Kanaal7.

Soortgelyk

 

Iran: Kernkragontploffing veroorsaak beduidende skade

2 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

3 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

5 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

5 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

6 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

16 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

16 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

16 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

16 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...