Keniaan wys hakke in Sam Nujoma-wedloop
Die Keniaan Sammy Kipkoech Tum en Namibië se Helalia Johannes het gister onderskeidelik die mans- en vroue-wedlope van die 2016 MTC Sam Nujoma-halfmarathon oor 21 km in die hoofstad gewen.
Die atlete het by die Doc Jubber hokkievelde in Olympia weggespring en weer daar geëindig. Tum het die wedloop van die begin af gedomineer en het agterna gesê dit voel goed om as oorwinnaar uit die stryd te tree. Volgens hom was die roete deur Windhoek allesbehalwe plat en hy was vol lof vir sy afrigter wat hom aangespoor het.
Tum en Helalia Johannes het elk met N$10 000 in prysgeld weggestap.
Leonard Namupala, wat die resies verlede jaar gewen het, was tweede en is as die Namibiese halfmarathonkampioen vir 2016 bekroon.
Uveni-Nawa Kuugongelwa, wat in 2014 die wenner was, het die derde plek ingeneem.
In die vroue-afdeling het Lavina Haitope as die naaswenner oor die eindstreep gedraf, terwyl Ottilie Haimata net ná haar klaar gemaak het.
Kuugongelwa het vir sowat ’n jaar nie kompeterend aan padwedlope deelgeneem nie en aan Nampa gesê hy is tevrede met sy derde plek.
“Ek het eers verlede maand begin oefen en voel heel goed op dreef. Ek wil net vir al die ander marathonatlete laat weet dat ek met mening terug is. My derde plek vandag was ’n glipsie – wanneer die Old Mutual Victory Races-reeks op 11 Junie afskop, kan julle maar aanvaar dat ek die wenner gaan wees. Ek wil vir die Twee Oseane-marathon kwalifiseer en my land se vlag hoog laat wapper,” het die langasem vol vertroue gesê.
MTC het die sesde weergawe van die Sam Nujoma-halfmarathon met N$172 00 geborg, terwyl Coca-Cola die atlete se dors gehelp les het.
- Nampa
Die atlete het by die Doc Jubber hokkievelde in Olympia weggespring en weer daar geëindig. Tum het die wedloop van die begin af gedomineer en het agterna gesê dit voel goed om as oorwinnaar uit die stryd te tree. Volgens hom was die roete deur Windhoek allesbehalwe plat en hy was vol lof vir sy afrigter wat hom aangespoor het.
Tum en Helalia Johannes het elk met N$10 000 in prysgeld weggestap.
Leonard Namupala, wat die resies verlede jaar gewen het, was tweede en is as die Namibiese halfmarathonkampioen vir 2016 bekroon.
Uveni-Nawa Kuugongelwa, wat in 2014 die wenner was, het die derde plek ingeneem.
In die vroue-afdeling het Lavina Haitope as die naaswenner oor die eindstreep gedraf, terwyl Ottilie Haimata net ná haar klaar gemaak het.
Kuugongelwa het vir sowat ’n jaar nie kompeterend aan padwedlope deelgeneem nie en aan Nampa gesê hy is tevrede met sy derde plek.
“Ek het eers verlede maand begin oefen en voel heel goed op dreef. Ek wil net vir al die ander marathonatlete laat weet dat ek met mening terug is. My derde plek vandag was ’n glipsie – wanneer die Old Mutual Victory Races-reeks op 11 Junie afskop, kan julle maar aanvaar dat ek die wenner gaan wees. Ek wil vir die Twee Oseane-marathon kwalifiseer en my land se vlag hoog laat wapper,” het die langasem vol vertroue gesê.
MTC het die sesde weergawe van die Sam Nujoma-halfmarathon met N$172 00 geborg, terwyl Coca-Cola die atlete se dors gehelp les het.
- Nampa
Kommentaar
Republikein
Geen kommentaar is op hierdie artikel gelaat nie