Ken almal beter – vooraf

Verset rol voort teen die peperduur hengelpermitte wat die regering wil afdwing.Inteendeel, die protes is besig om belangegroepe te verenig, waarvan sommige nie altyd langs dieselfde vuur sit nie.'n Mens sou wou sien dat daar in die geraakte gemeenskappe, wat spesifiek Afrikaanssprekendes insluit, meer aktiewe debat oor talle ander nasionale kwessies plaasvind. Mense behoort nie net hul stemme oor landsake te begin verhef wanneer dit hul sak begin raak nie.Juis met behulp van sulke gesprekke kan oplossings gevind word.Mnr. Leon Krauze se uitspraak op Hentiesbaai dat om “oorlog” te voer die verkeerde benadering is, is wys. Sy boodskap was dat feite en redelike teenvoorstelle die uitslag in hierdie stryd sal bepaal.Die ekonomiese gevolge vir Hentiesbaai sal beslis skerper gevoel word as elders.Dusver is met rede gevra of hengelgebiede nie meer doeltreffend en bekostigbaar gepolisieer kan word nie.'n Kernrede hoekom die nuwe heffings se hoek so bitter brand, is dat geraaktes se fundamentele reg om vooraf behoorlik in 'n administratiewe besluit geken te word, oogluikend nie genoegsaam eerbiedig is nie. Hierdie soort staatsbestuur kweek wantroue en vervreemding.Veral met moderne kommunikasiemiddele kon Jan Alleman se mening uitvoerig ingewin word.Daar is goeie argumente ten gunste van herbesinning oor die tariewe – wat ook 'n groot uitwerking op kwotahouers en vismaatskappye gaan hê.As daar nie eers na almal geluister word nie, skep dit later net bykomende probleme. So sê ander2 Augustus 2017 Realiteit kelder ANC se retoriek van 'gratis studie' Die voorstel van die ANC se nasionale uitvoerende komitee dat verdienstelike behoeftige eerstejaarstudente van volgende jaar af gratis aan tersiêre instellings moet kan studeer, klink lofwaardig.Die onbeantwoorde vraag is egter waar die geld vandaan moet kom, ook gegewe die ekonomiese krisis in die land.Vir die ANC is daar heelwat politieke munt te slaan uit so 'n voorstel. Die ANC se belofte kom egter met die gevaar dat dit vals verwagtinge skep.Nóg 'n praktiese beletsel is hoe geloofwaardig bepaal gaan word watter “arm studente” spruit werklik uit gesinne met 'n inkomste van minder as R150 000 per jaar. Dieselfde geld die vasstelling van studente wat kom uit die middelinkomstegroepe.Selfs al sou dit gladweg en sonder moontlike uitbuiting bepaal kon word, kan oorbelaaide belastingbetalers kwalik nóg geldelike laste dra.Realiteit maak retoriek onhaalbaar.• NETWERK24

Ken almal beter – vooraf

Kommentaar

Republikein 2026-08-12

Meld asseblief aan om kommentaar te lewer

Ken almal beter – vooraf

Kommentaar

Republikein 2026-08-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.