Keetmanshopers moet opdok vir waterskuld

Elizabeth Joseph op Keetmanshoop – Minder as drie maande nadat die Keetmanshoop-munisipaliteit 'n faktuur van miljoene dollar van NamWater ontvang het, het die raad inwoners met agterstallige rekeninge ’n sperdatum gegee om hul skuld te vereffen.Die raad het Maandag in ’n verklaring die inwoners ingelig dat watertoevoer gesny sal word na alle verbruikers wie se rekeninge agterstallig is en daarom word hulle aangemoedig om terugbetalingsooreenkomste tussen 20 Julie en 7 Augustus aan te gaan, aangesien hulle die plan gaan implementeer.As gevolg van die ministerie van landbou, water en grondhervorming se versoek vroeër vanjaar om nie dienste te staak nie, sukkel die munisipaliteit om kop bo water te hou.“Die raad het die besluit geneem omdat betalings die laaste paar maande min was en die raad gesukkel het om betalings betyds te ontvang,” het die munisipaliteit se skakelbeampte, me. Dawn Kruger, gesê.Terugbetalingsooreenkomste sal ook met kliënte aangegaan word wie se rekeninge langer as 30 dae agterstallig is. Die ooreenkoms vereis dat die rekeninghouer elke maand hul huidige maandelikse verbruikskoste ten volle moet betaal, plus ’n bykomende ooreengekome bedrag op die agterstallige bedrag oor 12 tot 18 maande. “Nadat dit gedoen is, sal die munisipaliteit in ruil daarvoor, die rente afskryf wat gehef word op die agterstallige rekeninge van kliënte wat hierdie ooreenkoms aangaan en die vereistes nakom.“Kliënte met agterstallige rekeninge word versoek om die inkomste-invorderingsafdeling van die munisipaliteit by 063 221 211/88 te skakel om hierdie ooreenkoms aan te gaan en ontkoppeling te vermy,” lui 'n verklaring. – republikein@republikein.com.na

Keetmanshopers moet opdok vir waterskuld

Kommentaar

Republikein 2026-06-26

Meld asseblief aan om kommentaar te lewer

Keetmanshopers moet opdok vir waterskuld

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.