Keetmans reg vir privaatskole

Helené BamKeetmanshoop is in rep en roer vir die jaarlikse privaatskole sportnaweek wat vanaand met ’n sokkie vir hoërskoolleerders afgeskop word. Leerders, ouers en onderwysers van 15 privaatskole van oor die land sal vanaf vandag tot Saterdag op die suidedorp toesak vir dié jaarlikse saamtrek wat onder die vaandel van die Namibiese Privaatskole Organisasie (Napso) plaasvind.Keetmanshoop Privaatskool (KPS) tree vanjaar as die gasheer op vir die fees van skolerugby, -netbal en -hokkie. Besoekers kan môre vanaf 15:30 kaskarwedrenne, ’n perdevertoning en ’n optrede deur KPS se trompoppies by die stadion se A-veld geniet. Die amptelike openingseremonie en ’n vuurwerkvertoning sal daarna volg.Tennis, jukskei, skaak en boogskiet is die kodes waarin reeds vanaf vandag meegeding word.Die rugby-, netbal- en hokkieprogram begin môreoggend en strek vanaf die tjokkers (onder 7) tot die o.19A-ouderdomsgroepe.Vrydag het die drie sportkodes se aksie reeds vanaf 07:00. Sowat N$1,2 miljoen is aan opknappingswerk aan die dorp se sportkompleks vir die geleentheid bestee. Daar word ook onder die mooistes meegeding, met die Mnr. en Mej. Privaatskole wat Saterdagaand bekroon word. Saterdagoggend is daar ook ’n fietsresies vir enigiemand wat wil deelneem. Registrasies (N$40 per persoon) word vanaf 06:00 by die Keetmanshoop-stadion gedoen.Die jaarlikse byeenkoms vind sedert 2001 plaas.Afgesien van die gasheerskool is die ander 14 deelnemende privaatskole soos volg: Brightstart Montessori, Elnatan, Walvisbaai Privaatskool, Gobabis Gimnasium, Grootfontein Agri Kollege, Moria (Outjo), Oranjemund Privaatskool, Private School Swakopmund, Pro-Ed Akademie, Rosh Pinah Academy, Tsumeb Gimnasium, Edugate Academy, Windhoek Afrikaanse Privaatskool en Excelsior.

Keetmans reg vir privaatskole

Kommentaar

Republikein 2025-12-19

Meld asseblief aan om kommentaar te lewer

Keetmans reg vir privaatskole

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.