Keetmans net in finaal verslaan
Die Rams het onlangs ook in die hoofstad hul staal gewys ter afsluiting van 'n goeie rugbyseisoen.
Andrew Poolman
Die onblusbare rugbypassie van die platteland en spesifiek die suidestreek was onlangs op vertoon toe die Keetmanshoop Rams die eersteliga-finaal van die Namibië Rugby-unie (NRU) met 'n kompeterende 17-34 teen die kragtige Grootfontein-span verloor het.
Die noordespan was rustyd met 23-10 voor, maar Keetmanshoop het nooit besgegee nie en het deurentyd sy stem dik gemaak.
In hul opmars na die eindstryd het Keetmanshoop, afgerig deur Western Suburbs se voormalige losvoorspeler Brendon Walters, veral met hul fiksheid en die vlugvoetigheid van hul agterspelers beïndruk.
Hoewel die gewigsvoordeel van Grootfontein se swaarder voorspelers in die finaal 'n deurslaggewende faktor was, het die blou truie geensins vir die uitdaging teruggedeins nie en het goeie vaardighede ten toon gestel.
Die twee klubs, wat beide meer as 450 kilometer van die hoofstad geleë is, se spel was 'n toonbeeld van die Namibiese veggees wat ondanks vele struikelblokke en met min wesenlike ondersteuning die spel met passie aan die gang hou.
Namibië funksioneer tans sonder 'n keurkomitee en op die oog af was ook geen lid van die nasionale afrigterspan vir die drie naweke van kwarteind-, halfeind- en eindstryde daar om eerstehands 'n oog op die land se beskikbare talent te werp nie.
Dit was inderdaad 'n jammerte, want van die plattelandse spanne het gewis spelers wat blootstelling op 'n hoër vlak verdien.
Keetmanshoop se skraal heelagter Shaun Farmer het ná twee minute speeltyd die eerste punte van die finaal behaal toe hy met 'n skuins strafdoel van die tienmeterlyn af geslaag het.
Die flank Wikus Swiegers het kort daarna maklik onder die pale gaan druk te danke aan sy ondersteunende spel van 'n senter se breekslag in die middelveld, ná 'n aanvallende lynstaan.
Met Farmer se doelskop was Keetmanshoop rustyd met 10-13 agter. Halfpad deur die tweede helfte het Farmer 'n Keetmanshoop-beweging in die linkerhoekie gaan afrond, maar dit was die suidespan se laaste punte vir die dag.
Die vorige naweek het Keetmanshoop verlede jaar se wenklub in die eerste liga, Vikings van Swakopmund, in die semifinaal uitgeskakel deur 'n wipplankstryd met 28-18 te beklink.
Die onblusbare rugbypassie van die platteland en spesifiek die suidestreek was onlangs op vertoon toe die Keetmanshoop Rams die eersteliga-finaal van die Namibië Rugby-unie (NRU) met 'n kompeterende 17-34 teen die kragtige Grootfontein-span verloor het.
Die noordespan was rustyd met 23-10 voor, maar Keetmanshoop het nooit besgegee nie en het deurentyd sy stem dik gemaak.
In hul opmars na die eindstryd het Keetmanshoop, afgerig deur Western Suburbs se voormalige losvoorspeler Brendon Walters, veral met hul fiksheid en die vlugvoetigheid van hul agterspelers beïndruk.
Hoewel die gewigsvoordeel van Grootfontein se swaarder voorspelers in die finaal 'n deurslaggewende faktor was, het die blou truie geensins vir die uitdaging teruggedeins nie en het goeie vaardighede ten toon gestel.
Die twee klubs, wat beide meer as 450 kilometer van die hoofstad geleë is, se spel was 'n toonbeeld van die Namibiese veggees wat ondanks vele struikelblokke en met min wesenlike ondersteuning die spel met passie aan die gang hou.
Namibië funksioneer tans sonder 'n keurkomitee en op die oog af was ook geen lid van die nasionale afrigterspan vir die drie naweke van kwarteind-, halfeind- en eindstryde daar om eerstehands 'n oog op die land se beskikbare talent te werp nie.
Dit was inderdaad 'n jammerte, want van die plattelandse spanne het gewis spelers wat blootstelling op 'n hoër vlak verdien.
Keetmanshoop se skraal heelagter Shaun Farmer het ná twee minute speeltyd die eerste punte van die finaal behaal toe hy met 'n skuins strafdoel van die tienmeterlyn af geslaag het.
Die flank Wikus Swiegers het kort daarna maklik onder die pale gaan druk te danke aan sy ondersteunende spel van 'n senter se breekslag in die middelveld, ná 'n aanvallende lynstaan.
Met Farmer se doelskop was Keetmanshoop rustyd met 10-13 agter. Halfpad deur die tweede helfte het Farmer 'n Keetmanshoop-beweging in die linkerhoekie gaan afrond, maar dit was die suidespan se laaste punte vir die dag.
Die vorige naweek het Keetmanshoop verlede jaar se wenklub in die eerste liga, Vikings van Swakopmund, in die semifinaal uitgeskakel deur 'n wipplankstryd met 28-18 te beklink.
Kommentaar
Republikein
Geen kommentaar is op hierdie artikel gelaat nie