Keer terug na Mandela se visie

Llewellyn Prince Gister was dit presies 29 jaar gelede dat wyle oudpres. Nelson Mandela as ’n vry man uit die destydse Victor Verster-gevangenis in die Paarl gestap het.Die ANC in die Wes-Kaap meen dat dit ná soveel jare ook ’n gepaste tyd is vir Suid-Afrika en dié provinsie om terug te keer na Mandela se visie vir ’n nierassige, verenigde, nieseksistiese en demokratiese land.Faiez Jacobs, provinsiale ANC-sekretaris, sê dit was die ideale waarvoor Mandela bereid was om te sterf.“Ons is vir ewig dankbaar dat hy geleef het om die nuwe land te kon binnegaan. Hier in die Wes-Kaap beloof ons om Mandela se stryd vir ’n regverdige samelewing voort te sit.“Die ANC in die Wes-Kaap is optimisties dat hy goed in Mei se algemene verkiesing sal vaar om ’n sê te kan hê in hoe die provinsie regeer word.“Die DA het Mandela se droom belemmer. As ons weer aan bewind kom, sal ons voortgaan waar ons opgehou het,” sê Jacobs in ’n verklaring.SA VIR EWIG VERANDERVolgens hom het Suid-Afrika vir ewig verander die dag toe Mandela op 11 Februarie 1990 uit die huidige Drakenstein-gevangenis vrygelaat is.“Kameraad Mandela se vrylating is bereik deur die struggle wat die apartheidsregime in ’n hoek gedryf het en hulle gedwing het om te onderhandel om hul mag prys te gee.”Volgens Jacobs is Mandela se vrylating ook danksy die druk wat deur die ANC se internasionale vennote toegepas is.Intussen het Mmusi Maimane, DA-leier, vroeër in ’n verklaring gesê dat die DA 29 jaar ná Mandela se vrylating die enigste party is wat nog sy visie bevorder én in staat is om die droom van “Een Suid-Afrika vir almal” ’n werklikheid te kan maak.Maimane sê die keuse wat Suid-Afrikaners op 8 Mei by die stembus moet maak, sal wees of hulle nog vyf jaar van gespreksessies, berade, korrupsie en leë beloftes van die ANC wil hê óf die DA se plan vir onmiddellike verandering wat “Een Suid-Afrika vir almal” sal bou. – Netwerk24

Keer terug na Mandela se visie

Kommentaar

Republikein 2025-06-23

Meld asseblief aan om kommentaar te lewer

Keer terug na Mandela se visie

Kommentaar

Republikein 2025-06-23

Meld asseblief aan om kommentaar te lewer

MELD AAN

Advertensie