Kawana in die spervuur

Ogone Tlhage – Vier studente wat verlede jaar 'n saak teen die ministerie van binnelandse sake, immigrasie, veiligheid en sekuriteit gewen het oor polisiemishandeling tydens 'n optog, se prokureurs het die nuut aangestelde minister, dr. Albert Kawana, tot 7 Mei kans gegee om aan die hofbevel te voldoen.Indien nie, sal Kawana moontlik 'n klag van minagting van die hof in die gesig staar.In 'n kabinetskommeling wat verlede Woensdag aangekondig is, het Kawana, die vorige minister van visserye en mariene hulpbronne, mnr. Frans Kapofi as minister van binnelandse sake, immigrasie, veiligheid en sekuriteit vervang.Kapofi was die minister toe die aanrandings plaasgevind het, maar sy ministerie het na bewering nie die hofbevel nagekom nie.Die betogers – mnre. Jesaya Katambo, Fillemon Ndafika, Tuhafeni Kalola en Paulus Amukoto, wat destyds studente was – is tydens 'n vreedsame betoging in Augustus 2018 glo deur lede van die Namibiese polisie aangerand.Die Namibiese Nasionale Studenteorganisasie (Nanso) het destyds die optog gereël om teen die Namibiese Studentehulpfonds (NSFAF) se wanbetaling van studiegeld te velde te trek.Die vier het die regering suksesvol gedagvaar en moet elk N$200 000 ontvang, maar hulle het nog nie 'n sent van die geld gesien nie. KRIMINELE OORTREDING“Die minister van veiligheid het tot dusver nog nie die hofbevel nagekom nie en weier om die eisers te betaal, ten spyte daarvan dat hy deur die hof beveel is om dit te doen,” het mnr. Henry Shimutwikeni, die vier mans se prokureur, aan Kawana geskryf.As die ministerie nie die geld teen 7 Mei betaal nie, sal hulle die hof nader en vra dat Kawana “aangekla word van minagting van die hof sodat 'n hofbevel uitgereik word om die ministerie van finansies te dwing om die N$800 000 te betaal,” het Shimutwikeni geskryf.“Minagting van die hof is 'n kriminele oortreding en kan gevangenisstraf of 'n boete tot gevolg hê,” het hy bygevoeg.– republikein@republikein.com.na

Kawana in die spervuur

Kommentaar

Republikein 2026-08-11

Meld asseblief aan om kommentaar te lewer

Kawana in die spervuur

Kommentaar

Republikein 2026-08-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.