Katrina gooi klip in onderwysbos
Die stof oor die onlangs vrygestelde hoërvlakuitslae het nog nie gaan lê nie.
Denver Kisting
Die oudminister van onderwys, kuns en kultuur, me. Katrina Hanse-Himarwa, het 'n opposisieleier van onkunde beskuldig.
Dit kom nadat mnr. Nico Smit, die tesourier-generaal van die Popular Democratic Movement (PDM), verlede week teen die onlangse gr.12-uitslae uitgevaar het.
Hanse-Himarwa sê by navraag: “Wel, dit lyk nie of die eerbare Smit 'n deeglike begrip van die hele onderwysstelsel het nie, om nie eens te praat van die hersiene leerplan nie, hoewel dit my verskeie kere gevat het om dit by vele geleenthede aan die LP's te verduidelik.”
Sy het wel begrip hiervoor, sê die voormalige LP.
“Ek het uiterste simpatie met mense wat moeilik die ingewikkeldhede van onderwys begryp. Dit is nie maklik vir 'n leek om pedagogie te verstaan nie.”
Onderwys handel oor veel meer as die onderwyser, leerling en ouer, sê Hanse-Himarwa, wat in Julie vanjaar uit haar ministeriële pos bedank het nadat sy in die hoërhof aan korrupsie skuldig bevind is.
'n Magdom faktore bepaal die sukses al dan nie van 'n skolestelsel, meen die oudonderwyser.
“Ek gee toe 'n paar selfdoodhervormings is onmiddellik ná onafhanklikheid gemaak. Daardie hervormings teister ons tot vandag toe.”
Sou die sektor behoorlik befonds word, kan onlangse hervormings vrugte afwerp, meen sy.
“Befondsing vir onderwys spreek nie tans leeruitkomste, onderwyseropleiding, deurlopende professionele ontwikkeling, infrastruktuur, leerhulpmiddels en die skep van 'n gunstige leeromgewing aan nie,” sê sy.
Meer as 80% van die ministerie se begroting word aan salarisse bestee, sê sy.
“As jy my vra, het ons die beste onderwysstelsel; die inwerkingstelling van die stelsel is die uitdaging.”
Hanse-Himarwa sê deel van die probleem is onderwyskolleges is voortydig afgeskaf.
Sy het 'n beroep gedoen op die PDM om ook met oplossings vorendag te kom in plaas daarvan om net kritiek te lewer.
Teen die huidige tempo is die land op pad na ongeletterheid, het Smit verlede week oor die onlangse uitslae gesê.
Smit sê in 'n verklaring: “Terwyl die PDM sy gelukwensinge oordra aan die leerlinge wat goed gevaar het in hierdie jaar se hoërvlak eksamen, is die beweging diep ontsteld en hartseer weens die onlangs vrygestelde eksamenuitslae wat weer eens getoon het ons onderwysstelsel is op die verkeerde pad.”
– [email protected]
Die oudminister van onderwys, kuns en kultuur, me. Katrina Hanse-Himarwa, het 'n opposisieleier van onkunde beskuldig.
Dit kom nadat mnr. Nico Smit, die tesourier-generaal van die Popular Democratic Movement (PDM), verlede week teen die onlangse gr.12-uitslae uitgevaar het.
Hanse-Himarwa sê by navraag: “Wel, dit lyk nie of die eerbare Smit 'n deeglike begrip van die hele onderwysstelsel het nie, om nie eens te praat van die hersiene leerplan nie, hoewel dit my verskeie kere gevat het om dit by vele geleenthede aan die LP's te verduidelik.”
Sy het wel begrip hiervoor, sê die voormalige LP.
“Ek het uiterste simpatie met mense wat moeilik die ingewikkeldhede van onderwys begryp. Dit is nie maklik vir 'n leek om pedagogie te verstaan nie.”
Onderwys handel oor veel meer as die onderwyser, leerling en ouer, sê Hanse-Himarwa, wat in Julie vanjaar uit haar ministeriële pos bedank het nadat sy in die hoërhof aan korrupsie skuldig bevind is.
'n Magdom faktore bepaal die sukses al dan nie van 'n skolestelsel, meen die oudonderwyser.
“Ek gee toe 'n paar selfdoodhervormings is onmiddellik ná onafhanklikheid gemaak. Daardie hervormings teister ons tot vandag toe.”
Sou die sektor behoorlik befonds word, kan onlangse hervormings vrugte afwerp, meen sy.
“Befondsing vir onderwys spreek nie tans leeruitkomste, onderwyseropleiding, deurlopende professionele ontwikkeling, infrastruktuur, leerhulpmiddels en die skep van 'n gunstige leeromgewing aan nie,” sê sy.
Meer as 80% van die ministerie se begroting word aan salarisse bestee, sê sy.
“As jy my vra, het ons die beste onderwysstelsel; die inwerkingstelling van die stelsel is die uitdaging.”
Hanse-Himarwa sê deel van die probleem is onderwyskolleges is voortydig afgeskaf.
Sy het 'n beroep gedoen op die PDM om ook met oplossings vorendag te kom in plaas daarvan om net kritiek te lewer.
Teen die huidige tempo is die land op pad na ongeletterheid, het Smit verlede week oor die onlangse uitslae gesê.
Smit sê in 'n verklaring: “Terwyl die PDM sy gelukwensinge oordra aan die leerlinge wat goed gevaar het in hierdie jaar se hoërvlak eksamen, is die beweging diep ontsteld en hartseer weens die onlangs vrygestelde eksamenuitslae wat weer eens getoon het ons onderwysstelsel is op die verkeerde pad.”
– [email protected]
Kommentaar
Republikein
Geen kommentaar is op hierdie artikel gelaat nie