Katrina bly in komitees, sê speaker

Denver Kisting – Die speaker van die Nasionale Vergadering (NV), prof. Peter Katjavivi, het laat Maandag gesê geen besluit is nog geneem om vir Katrina Hanse-Himarwa uit twee parlementêre komitees te skop nie.Katjavivi het by navraag aan Republikein gesê: “(Ek is) nie bewus van enige besluit wat geneem is om die eerbare lid te verwyder nie.”Vroeër Maandag het Swapo by monde van sy sekretaris-generaal se uitvoerende direkteur, mnr. Austin Samupwa, gesê hulle het geen kommentaar oor die voortslepende drama rondom Hanse-Himarwa nie.Samupwa het aanvanklik gesê ’n aanlyn versoekskrif wat eis Hanse-Himarwa, ’n Swapo-swaargewig, moet uit twee parlementêre komitees geskop word, het niks met die regerende party te doen nie.Op ’n vraag oor of Swapo haar aan die NV sal onttrek, het hy gesê: “Ek het geen kommentaar oor daardie kwessie nie.”Die eerste minister, me. Saara Kuugongelwa-Amadhila, ’n Swapo-politburolid, het die afgelope naweek gesê parlementêre kwessies het niks met die uitvoerende gesag te doen nie.Sy het nog nie op ’n vraag gereageer oor of Swapo beplan om Hanse-Himarwa aan die NV te onttrek of van die party se lys te verwyder nie.Die woordvoerder van die NV, mnr. David Nahogandja, het Sondag gesê Hanse-Himarwa is in twee komitees aangestel: een wat gemoeid is met grondwetlike en regsaangeleenthede, en die menslikehulpbronne- en gemeenskapsontwikkelingskomitee.Hy sê wanneer ’n LP nie meer as minister dien nie, maar as LP aanbly, vereis die parlement se reëls dat dié persoon by ’n parlementêre komitee aansluit en daarin dien.Hanse-Himarwa is ’n gewone LP sedert sy verlede jaar as minister bedank het ná sy op een klag van korrupsie in die hoërhof in Windhoek skuldig bevind is.– denver@republikein.com.na

Katrina bly in komitees, sê speaker

Kommentaar

Republikein 2026-03-30

Meld asseblief aan om kommentaar te lewer

Katrina bly in komitees, sê speaker

Kommentaar

Republikein 2026-03-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.