Katalaanse leier gee homself oor in België

Die Katalaanse leier Carles Puigdemont en vier vertrouelinge het hulself aan die Belgiese owerhede oorgegee nadat Spanje ’n lasbrief om hul inhegtenisname uitgereik het.Volgens Reuters beskuldig Spanje Puigdemont van rebellie en sedisie nadat Katalonië verlede maand onafhanklikheid verklaar het.Mariano Rajoy, die Spaanse eerste minister, het ná die onafhanklikheidsverklaring die streeksparlement ontbind, Puigdemont as Katalaanse leier verwyder en ’n nuwe verkiesing op 21 Desember aangekondig.Spanje is al ’n geruime tyd lank in ’n grondwetlike krisis gedompel ná ’n referendum oor onafhanklikheid deur Puigdemont se regering gehou is.Die Spaanse grondwetlike hof het beslis dat die verkiesing onwettig is.Volgens die voormalige Katalaanse regering is 90% van die 43% potensiële kiesers wat aan die referendum deelgeneem het ten gunste van onafhanklikheid.Theo Francken, Belgiese minister van migrasie, het vroeër gesê dit sou “nie onrealisties wees” om Puigdemont asiel te gee as hy dit versoek nie.België is een van die min lede van die Europese Unie (EU) waar burgers van die EU om asiel aansoek kan doen.Spanje het intussen volle administratiewe beheer in Katalonië, wat tot nou toe ’n onafhanklike staat was, oorgeneem.Die Spaanse owerhede beskuldig Puigdemont verder onder meer van die misbruik van openbare fondse, ongehoorsaamheid en vertrouensbreuk met betrekking tot die veldtog om Katalonië se onafhanklikheid.Spanje, wat net besig is om van ’n finansiële resessie te herstel, is deur die veldtog in ’n politieke krisis gedompel.Twee meningspeilings wat oor die naweek gedoen is, wys dat partye ten gunste van Katalonië se onafhanklikheid moontlik Desember se streeksverkiesing kan wen indien hulle saamwerk.Hulle mag egter sukkel om ’n meerderheid van die setels in die parlement te verower wat nodig is om nuwe lewe in die onafhanklikheidsveldtog te blaas.Puigdemont het kort ná Spanje beheer oorgeneem het na België gereis en ’n Belgiese hof sal hierdie week moet besluit of al die formaliteite vir sy uitlewering aan Spanje nagekom is.Ingevolge die Europese lasbriefstelsel mag Puigdemont en sy medebeskuldigdes dadelik die uitleweringsbevel aanvaar. Andersins het die regter wat hul saak aanhoor die opsie om hulle op borgtog vry te laat of in aanhouding te plaas.België moet ingevolge die wet hul Europese eweknieë binne 90 dae inlig indien ’n lasbrief nie uitgevoer kan word nie. – Netwerk24

Katalaanse leier gee homself oor in België

Kommentaar

Republikein 2026-02-04

Meld asseblief aan om kommentaar te lewer

Katalaanse leier gee homself oor in België

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.