Kans op rommelstatus tot 80% ná flou MTBR

Die meerderheid ontleders is oortuig dat Suid-Afrika teen Desember afgegradeer gaan word nadat Pravin Gordhan, minister van finansies, se mediumtermynbegrotingsraamwerk (MTBR) Woensdag nie juis inspireer het nie.Twee van die wêreld se grootste graderingsagentskappe, Moody’s Investors Service en Fitch Ratings, het Donderdag te kenne gegee dat die MTBR geen konkrete oplossings bied wat die ekonomie en die staat se geldsake sal verbeter nie.Die KPMG-ekonome Lullu Krugel en Christie Viljoen meen die waarskynlikheid van ’n afgradering is tot 70%.Peter Attard Montalto, navorsingsontleder van die beleggingsbank Nomura, raam die kans vir ’n afgradering vir Moody’s Investors Service is 40%, vir Standard & Poor’s Global Ratings (S&P) 60% en vir Fitch Ratings 80%.Mamello Matikinca, FNB-ekonoom, sê ’n afgradering kom binne 12 maande, maar hulle het dit nie vir nou nie, maar Junie volgende jaar “gedagboek”.Ekonomiese groei is die probleemMatikinca sê hoewel die tesourie verbind bly tot die vermindering van die begrotingstekort en die stabilisering van skuld, is fiskale konsolidasie slegs een deel van die probleem. Die MTBR het vir haar ontbreek aan inisiatiewe wat ekonomiese groei kan stimuleer – en dus sal verseker dat die staat meer belasting sal invorder.Daar is baie retoriek oor hervormings-inisiatiewe wat hangende is. Die probleem is hulle is nou al geruime tyd hangende.“Daar is baie retoriek oor hervormingsinisiatiewe wat hangende is. Die probleem is hulle is nou al geruime tyd hangende. Die graderingsagentskappe sal Suid-Afrika maklik kan afgradeer net op grond van swak groei, ondanks ’n ernstige konsolidasiepoging.”Krugel en Viljoen van KPMG wys daarop dat S&P begin Oktober gewaarsku het oor trae ekonomiese groei, sowel as politieke spanning, wat verhinder dat hervormings deurgevoer word.Hulle reken daar is ook groot politieke druk op baie belangrike instellings, soos die tesourie, die regbank en die openbare beskermer, wat kredietgradeerders bekommerd maak.Méér steun aan Eskom wek kommerJohann Els, ekonoom van die Old Mutual Investment Group, sê as Suid-Afrika nié afgegradeer word nie, sal dit voorwaar ’n noue ontkoming wees. “Die tesourie probeer beslis baie hard, maar ons het geen verdere verbetering gesien wat betref dinge soos staatsondernemings nie.”Els sê dit lyk om die waarheid te sê asof die tesourie bes gegee het en vir Eskom nóg waarborge gaan gee sodat hy kernkrag kan finansier. Dít ondanks die MTBR se klem daarop dat die waarborge aan staatsondernemings, wat potensieel R469,9 miljard beloop, ’n enorme fiskale risiko is.Els sê gradeerders wag boonop in spanning vir ’n aankondiging oor die voorgenome nasionale minimum loon en oor of vakbonde sal instem tot ’n geheime stemming onder werkers voordat ’n staking uitgeroep word. (Laasgenoemde kan arbeidsverhouding verbeter; ’n te hoë minimum loon kan werkskepping en dus groei aan bande lê.)Kan dié belasting ingevorder word?Montalto sê graderingsagentskappe sal skepties wees of die “politieke vermoë” bestaan om belasting met soveel as wat nodig is, te verhoog. Gordhan wil in 2017 R13 miljard méér belasting invorder as wat voorheen begroot is.PGexit dreigMontalto sê dit sal ietwat by graderingsagentskappe spook dat ’n afgradering dalk vir pres. Jacob Zuma die verskoning sal gee om Gordhan af te dank, gegewe dat Gordhan juis aangestel is om vertroue in die staat se geldsake te herstel ná die rampspoedige afdanking van Nhlanhla Nene as minister van finansies in Desember verlede jaar.Montalto sê daar is niks in die MTBR wat die agentskappe sal noop om vóór hul geskeduleerde datums ’n afgradering te doen nie, maar as Gordhan afgedank word (oftewel PGexit), sal hulle onmiddellik optree. Dit bly ’n risiko, gegewe dat Gordhan volgende week op ’n bedrogklag – wat alom as politiek gemotiveerd beskou word – moet voorkom.Nie die einde van die wêreld?Annabel Bishop, hoofekonoom van Investec, sê sy verwag dat S&P net sy gradering van staatskuld in rand – wat nog drie vlakke bo rommelstatus is – met een vlak sal afgradeer.’n Afgradering wat nog bo rommelstatus bly, sal wel die rand laat verswak en moontlik tot die onttrekking van versigtige beleggers se geld lei, maar dit sal nie naastenby so erg wees as ’n afgradering tot rommelstatus nie.Laasgenoemde sal beteken groot pensioenfondse, wat nie in beleggingsprodukte onder beleggingsgraad mag belê nie, sal hul effekte verkoop.Arthur Kamp, ekonoom by Sanlam Investments, beklemtoon egter dat ’n afgradering tot rommel nie noodwendig katastrofies nie. Hy is van mening dat dit reeds ingeprys is in die opbrengskoerse van staatseffekte.“Maar, daar is verskillende graderings van rommel. ’n Afgradering weens voortgesette oorbesteding, ’n gebrek aan wil om die skuldsituasie te stabiliseer en slap monetêre beleid (wat die inflasievooruitsig sal laat verswak) is iets heeltemal anders.“Dít is die baie skadeliker scenario wat Suid-Afrika moet aanhou vermy, selfs al beteken dit die voortgesette inwerkingstelling van beperkende makro-ekonomiese beleid.”Glas halfvolNazmeera Moola, hoof van vaste inkomste van Investec Batebestuur, is een van die min ontleders wat optimisties voel dat die MTBR dalk net-net ’n afgradering afweer. Netwerk24

Kans op rommelstatus tot 80% ná flou MTBR

Kommentaar

Republikein 2025-11-05

Meld asseblief aan om kommentaar te lewer

Kans op rommelstatus tot 80% ná flou MTBR

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.