Kamwi soek sy erf
Die Katima Mulilo-munisipaliteit sê geen kwitansie of tjek van N$170 000 is uitgereik of inbetaal soos wat 'n voormalige minister beweer nie.
Henriette Lamprecht - Die voormalige minister van gesondheid en maatskaplike dienste dagvaar die Katima Mulilo-munisipaliteit oor ’n besigheidserf op die dorp waarvoor hy glo N$200 000 betaal het.
Dr. Richard Kamwi het in 1999 reeds ’n versoek aan die munisipaliteit vir die aankoop van die erf gerig en het dit volgens hom uiteindelik in November 2014 gekoop.
Die verweerders in die saak, wat die munisipaliteit en die ministerie van stedelike en landelike ontwikkeling insluit, sê egter slegs twee betalings van N$10 000 elk is deur Kamwi gemaak.
Geen kwitansies of tjeks is deur die muninispaliteit vir die finale bedrag van N$170 000 uitgereik of inbetaal soos wat Kamwi beweer hy aan die munisipaliteit oorbetaal het nie.
Kamwi vra die hof onder meer dat N$200 000 aan hom terugebetaal word en die transaksie afgehandel word.
In hofstukke sê Kamwi hy het in 1998 aansoek gedoen om die erf te koop.
Die destydse hoofbeampte het hom glo mondelings ingelig hy kan die erf volgens raadsbesluit 156 van 1999 vir N$20 000 kry.
Hy sê hy het in opdrag van die beampte 'n deposito van N$5 000 betaal, maar nooit 'n voorlopige koopkontrak ontvang nie.
Redes vir dié versuim was glo dat die raadsbesluit wat die transaksie bekragtig, nie gevind kon word nie.
Ook was daar nie bewyse dat Kamwi die aankoopprys vir die eiendom betaal het nie.
In 2013 het Kamwi, in opdrag van die hoofbeampte, 'n deposito van N$10 000 betaal om die proses weer te begin, sê hy, maar beweer hy het steeds nie 'n koopkontrak ontvang nie.
In Oktober 2014 het die munisipaliteit glo gesê hy kan volgens 'n nuwe raadsbesluit die erf vir N$200 000 koop, 'n aanbod wat hy aanvaar het.
Hy het toe weer N$10 000 as bydrae tot die koopsom betaal, sê hy.
Volgens Kamwi het hy daarna 'n verdere N$10 000 en toe N$170 000 tot die koopsom aan die munisipaliteit oorbetaal.
Hy het egter nooit 'n koopkontrak ontvang nie, sê hy.
In Mei 2016 sê die munisipaliteit toe na bewering, in antwoord op 'n prokureursbrief, die ministerie het in Februarie 2015 die versoek afgekeur om die eiendom aan hom te verkoop.
Volgens Kamwi is hy egter sedert 1999 nooit deur enige munisipale of ministeriële amptenaar ingelig dat die ministerie die transaksie afgekeur het nie.
Hy verwerp ook die munisipaliteit se verweer dat ’n ministeriële versoek vir ’n geskrewe motivering oor waarom die erf glo vir ’n lae bedrag aan hom verkoop is, ’n afkeer van die transaksie is.
Die respondente beweer egter Kamwi is nié die eienaar van die erf nie omdat eienaarskap nooit aan hom oorgedra is nie.
Die transaksie was glo ook voorwaardelik en die voorgenome transaksie moes geadverteer word, wat glo nooit gedoen is nie.
Tweedens het dit glo berus op die goedkeuring van die destydse minister en daarna die volle betaling van die aankoopprys.
Die aankoopprys was na bewering ook op 18 Augustus 1999 volgens raadsbesluit glo N$118 000 en nie N$20 000 soos Kamwi beweer nie.
Hy moes ook dié bedrag voor 30 September 2002 betaal, anders tree die waardasiebedrag van N$226 000 in werking.
Hul verweer lui voorts Kamwi is in November 2014 ingelig hy kan die erf as deel van ’n private ooreenkoms vir N$200 000 koop.
Hulle beweer ‘n betaling van N$170 000 is nooit van hom ontvang nie.
Dr. Richard Kamwi het in 1999 reeds ’n versoek aan die munisipaliteit vir die aankoop van die erf gerig en het dit volgens hom uiteindelik in November 2014 gekoop.
Die verweerders in die saak, wat die munisipaliteit en die ministerie van stedelike en landelike ontwikkeling insluit, sê egter slegs twee betalings van N$10 000 elk is deur Kamwi gemaak.
Geen kwitansies of tjeks is deur die muninispaliteit vir die finale bedrag van N$170 000 uitgereik of inbetaal soos wat Kamwi beweer hy aan die munisipaliteit oorbetaal het nie.
Kamwi vra die hof onder meer dat N$200 000 aan hom terugebetaal word en die transaksie afgehandel word.
In hofstukke sê Kamwi hy het in 1998 aansoek gedoen om die erf te koop.
Die destydse hoofbeampte het hom glo mondelings ingelig hy kan die erf volgens raadsbesluit 156 van 1999 vir N$20 000 kry.
Hy sê hy het in opdrag van die beampte 'n deposito van N$5 000 betaal, maar nooit 'n voorlopige koopkontrak ontvang nie.
Redes vir dié versuim was glo dat die raadsbesluit wat die transaksie bekragtig, nie gevind kon word nie.
Ook was daar nie bewyse dat Kamwi die aankoopprys vir die eiendom betaal het nie.
In 2013 het Kamwi, in opdrag van die hoofbeampte, 'n deposito van N$10 000 betaal om die proses weer te begin, sê hy, maar beweer hy het steeds nie 'n koopkontrak ontvang nie.
In Oktober 2014 het die munisipaliteit glo gesê hy kan volgens 'n nuwe raadsbesluit die erf vir N$200 000 koop, 'n aanbod wat hy aanvaar het.
Hy het toe weer N$10 000 as bydrae tot die koopsom betaal, sê hy.
Volgens Kamwi het hy daarna 'n verdere N$10 000 en toe N$170 000 tot die koopsom aan die munisipaliteit oorbetaal.
Hy het egter nooit 'n koopkontrak ontvang nie, sê hy.
In Mei 2016 sê die munisipaliteit toe na bewering, in antwoord op 'n prokureursbrief, die ministerie het in Februarie 2015 die versoek afgekeur om die eiendom aan hom te verkoop.
Volgens Kamwi is hy egter sedert 1999 nooit deur enige munisipale of ministeriële amptenaar ingelig dat die ministerie die transaksie afgekeur het nie.
Hy verwerp ook die munisipaliteit se verweer dat ’n ministeriële versoek vir ’n geskrewe motivering oor waarom die erf glo vir ’n lae bedrag aan hom verkoop is, ’n afkeer van die transaksie is.
Die respondente beweer egter Kamwi is nié die eienaar van die erf nie omdat eienaarskap nooit aan hom oorgedra is nie.
Die transaksie was glo ook voorwaardelik en die voorgenome transaksie moes geadverteer word, wat glo nooit gedoen is nie.
Tweedens het dit glo berus op die goedkeuring van die destydse minister en daarna die volle betaling van die aankoopprys.
Die aankoopprys was na bewering ook op 18 Augustus 1999 volgens raadsbesluit glo N$118 000 en nie N$20 000 soos Kamwi beweer nie.
Hy moes ook dié bedrag voor 30 September 2002 betaal, anders tree die waardasiebedrag van N$226 000 in werking.
Hul verweer lui voorts Kamwi is in November 2014 ingelig hy kan die erf as deel van ’n private ooreenkoms vir N$200 000 koop.
Hulle beweer ‘n betaling van N$170 000 is nooit van hom ontvang nie.
Kommentaar
Republikein
Geen kommentaar is op hierdie artikel gelaat nie