Kampioen Golovkin, Alvarez deel louere
Boks
Michael Green - 'n Skitterende geveg, maar 'n twyfelagtige uitslag.
Dís hoe die groot geveg tussen Gennady Golovkin van Kazakstan en Saul (Canelo) Alvarez van Mexiko gisteroggend (Suid-Afrikaanse tyd) in Las Vegas, Amerika, beskryf kan word.
Die geveg het op wonderbaarlike wyse die volle 12 rondes geduur en het gelykop geëindig.
'n Groot klomp toeskouers in die T-Mobile-arena het hul woede oor die uitslag op Alvarez uitgehaal en hom uitgejou toe daar agterna met hom in die kryt gesels is.
Maar Alvarez was nie 'n beoordelaar nie.
Die beoordelaar in die spervuur is Adelaide Byrd wat die geveg met 118-110 aan Alvarez toegeken het. Byrd is al verskeie kere in die verlede oor beslissings gekritiseer.
Dave Moretti het Golovkin die wenner met 115-113 gemaak en Don Trella het gereken dit was gelykop met 114-114.
Golovkin was vir die grootste deel van die geveg op die voorvoet. Hy het die meeste van die tyd vorentoe beweeg en het aanhoudend met skoon houe getref.
Dit was eintlik 'n skok om Alvarez, gewoonlik so oorheersend in die kryt, die meeste van die tyd op die agtervoet te sien.
Alvarez het onder druk ook goed geboks en dit het nooit gelyk of Golovkin hom regtig in die moeilikheid gehad het nie.
Daar was 'n paar keer dat Alvarez vorentoe gekom en Golovkin met allemintige houe getref het. Die Kazak se bene het egter ook nie onder hom ingegee nie.
“Ek het hom (Alvarez) elke ronde onder druk gehad,” het Golovkin gesê. “Ek het steeds my titels (die Wêreldboksvereniging en Internasionale Boksfederasie se middelgewigtitels), maar ek sal verseker instem om weer teen hom te baklei.”
Alvarez sê Golovkin het hom nooit seergemaak nie.
“Ek het nie sy slaankrag gevoel nie. Ek dink ek het genoeg gedoen om minstens sewe rondes te wen,” was sy mening.
Terwyl hy gepraat het, het selfs Mexikane hom uitgejou. En dit op Mexiko se Vryheidsdag!
Die twee het vir 'n uitmuntende geveg gesorg en 'n herontmoeting kan nog beter wees.
• Hekkie Budler se geveg in die Filippyne teen die IBF se junior vlieggewigkampioen, Milan Melindo, het ook op 'n omstrede noot geëindig.
Twee beoordelaars het die geveg onderskeidelik met 117-110 en 115-112 aan Melindo toegeken met nog een wat gedink het Budler was met 115-113 baas.
Melindo het snye om albei sy oë gehad.
– Netwerk24
Dís hoe die groot geveg tussen Gennady Golovkin van Kazakstan en Saul (Canelo) Alvarez van Mexiko gisteroggend (Suid-Afrikaanse tyd) in Las Vegas, Amerika, beskryf kan word.
Die geveg het op wonderbaarlike wyse die volle 12 rondes geduur en het gelykop geëindig.
'n Groot klomp toeskouers in die T-Mobile-arena het hul woede oor die uitslag op Alvarez uitgehaal en hom uitgejou toe daar agterna met hom in die kryt gesels is.
Maar Alvarez was nie 'n beoordelaar nie.
Die beoordelaar in die spervuur is Adelaide Byrd wat die geveg met 118-110 aan Alvarez toegeken het. Byrd is al verskeie kere in die verlede oor beslissings gekritiseer.
Dave Moretti het Golovkin die wenner met 115-113 gemaak en Don Trella het gereken dit was gelykop met 114-114.
Golovkin was vir die grootste deel van die geveg op die voorvoet. Hy het die meeste van die tyd vorentoe beweeg en het aanhoudend met skoon houe getref.
Dit was eintlik 'n skok om Alvarez, gewoonlik so oorheersend in die kryt, die meeste van die tyd op die agtervoet te sien.
Alvarez het onder druk ook goed geboks en dit het nooit gelyk of Golovkin hom regtig in die moeilikheid gehad het nie.
Daar was 'n paar keer dat Alvarez vorentoe gekom en Golovkin met allemintige houe getref het. Die Kazak se bene het egter ook nie onder hom ingegee nie.
“Ek het hom (Alvarez) elke ronde onder druk gehad,” het Golovkin gesê. “Ek het steeds my titels (die Wêreldboksvereniging en Internasionale Boksfederasie se middelgewigtitels), maar ek sal verseker instem om weer teen hom te baklei.”
Alvarez sê Golovkin het hom nooit seergemaak nie.
“Ek het nie sy slaankrag gevoel nie. Ek dink ek het genoeg gedoen om minstens sewe rondes te wen,” was sy mening.
Terwyl hy gepraat het, het selfs Mexikane hom uitgejou. En dit op Mexiko se Vryheidsdag!
Die twee het vir 'n uitmuntende geveg gesorg en 'n herontmoeting kan nog beter wees.
• Hekkie Budler se geveg in die Filippyne teen die IBF se junior vlieggewigkampioen, Milan Melindo, het ook op 'n omstrede noot geëindig.
Twee beoordelaars het die geveg onderskeidelik met 117-110 en 115-112 aan Melindo toegeken met nog een wat gedink het Budler was met 115-113 baas.
Melindo het snye om albei sy oë gehad.
– Netwerk24
Kommentaar
Republikein
Geen kommentaar is op hierdie artikel gelaat nie