Kalender vir Valentynsdag

- Vanaf vandag tot Sondag bied die Nedbank Swakop Food Festival spesiale Valentyns-kookklasse vir paartjies by The Food Lab Cooking Studio aan. Paartjies sal met ’n driegang-kersligete bederf word. Dit kos N$750 per persoon of N$1 500 per paartjie. Slegs 5 klasse word aangebied en net vier paartjies word per sessie toegelaat. Vir besprekings, kontak 081 244 4143 of swkfoodfest@gmail.com.- Vandag om 17:30 word ’n Valentynsdag-konsert met liefdesliedjies van oraloor die wêreld uitgevoer deur Trio Feminale in die Kristall Kellerei op Omaruru aangebied. Kaartjies kos N$110 en is by Marin's Lädchen beskikbaar. Kontak 081 292 9590 vir meer inligting.- Môre vanaf 17:00 bied Olivia’s Kitchen ’n Valentynsdag-ete met ’n driegang-spyskaart aan teen N$380 per persoon (drankies uitgesluit). Geniet 'n romantiese aand met lewende musiek en 'n kunsuitstalling deur Oscar's Art terwyl julle heerlike kos en goeie wyn geniet! Besprekings is noodsaaklik. Kontak 061 209 0995.-Die Franse ambassade in Namibië bied môre vanaf 10:00 tot 13:00 ’n Macaron Workshop aan. Maak hartvormige makrolletjies saam met die Franse sjef Augustine en die FNCC-dosent Isabelle. Jy kan alleen of as ’n paartjie die klas bywoon. Inskrywings kos N$600 per persoon of N$1 000 per paartjie. Niemand gaan met leë hande huis toe nie en ontvang ’n sakkie makrolletjies wat jy self gebak het! Voorafbesprekings word aanbeveel. Vir meer inligting, kontak culturalofficer@fncc.org.na.- Die Canvas Club bied môre om 08:00 ’n piekniek en skildersessie by Gecko Ridge op die Swakop River Plots aan. Verken jou kreatiewe kant saam met 'n maat/vriend en deel in die pret. Kaartjies kos N$470 en sluit peuselhappies, 'n glasie wyn en al die verfmateriaal in. Vir meer inligting en besprekings, kontak Adonia by 081 147 2636 of canvasclubswkp@gmail.com.- ’n Valentynskonsert môre om 17:00 by die Am Weinberg-restaurant met 'n optrede van Blvc Rose in die binnehof met aandete onder die sterre. 'n Driegang-ete kos N$420 per persoon, wat 'n gratis verwelkomingsdrankie insluit. Vir besprekings, kontak Claretta Neels by 061 209 0900 of conference@amweinberghotel.com.- Môre word ’n Valentynskonsert deur die Trio Feminale by Hotel Thule in Windhoek aangebied. Besprekings is noodsaaklik! Vir meer inligting, kontak 061 371 950.-Liefde is in die lug hierdie Valentynsnaweek op Droombos. Bederf jou geliefde tussen vandag en Sondag met een van hul spesiale Valentyns-naweekpakkette, waar onder ’n romantiese piekniek en fliekaand, of ’n intieme ete. Kontak reservations@droombos.com.na vir meer inligting. Bespreek vroegtydig om teleurstelling te voorkom.- Sondag vanaf 16:00 tot 18:00 word die Valentyns Gaan Global-konsert aanlyn aangebied. Bekende kunstenaars soos Ray Dylan, Kurt Darren, Ricus Nel, Demi Lee Moore en Liezel Pieters tree op. Kry jou kaartjies teen N$200 by https://itickets.co.za/reg.../new/451380&referrer=Valentines.Waar ook al julle gaan, onthou om vooraf te bespreek om enige teleurstelling te voorkom. En moenie van die aandklokreël vergeet nie!

Kalender vir Valentynsdag

Kommentaar

Republikein 2026-08-03

Meld asseblief aan om kommentaar te lewer

Kalender vir Valentynsdag

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.