Kalender 9 Feb

Nou aan die gang» Die Windhoek City Market vind vandag weer plaas. Hierdie mark is ideale plek om jou skoene uit te skop, aan lekker kos te smul en ná ’n lang week ’n drankie saam met jou vriende en familie te geniet. Dit vind by The Village in die hartjie van Windhoek plaas. Die mark bied ‘n groot verskeidenheid kos, dekor en ander produkte. Daar is iets vir almal - van koek tot internasionale straatkos. Toegang is N$40 vir volwassenes en gratis vir kinders onder 16. Die mark duur van 16:00 tot 21:30.» Beat Street tree vanaand by die Wolfshack in Windhoek op. Dit beloof om ‘n aand van ouskool hip hop, R&B en funk te wees. Die vertoning begin om 18:00 en hou tot laat aan. Vir meer inligting, besoek Wolfshack se Facebook-blad.» Sean K se album is uiteindelik klaar en ‘n voorskou van wat op die album is, kan vanaand by The Loft gehoor word. Om hierdie mylpaal te vier, is ‘n verrassing beplan. Die partytjie begin om 20:00 en toegang is N$50 by die deur. » The Gathering is 'n platform vir opkomende kunstenaars om hulself op die verhoog te sien. Dit vind plaas onder leiding van die akteur en skrywer Ashwyn Mberi. Die show behels oudisies, maar kunstenaars met verskeie vlakke van ervaring word genooi om hul werk saam ander kunsvorme ten toon te stel. Die eerste weergawe van The Gathering vind vanaand om 19:30 by die FNCC plaas. Onder andere sal die kletsrymer Black Vulcanite, Mark Mushiva, Mej. H en Trixie Munyama van die Damai Dance Ensemble hul debuut maak. Toegang is N$70 en kaartjies is by die deur beskikbaar.» Sunya Beukes, ook bekend as Krayzee Sue, neem jou op 'n kunsreis met haar eerste solo-uitstalling, SUE-realism, wat by die FNCC te sien is. SUE-realism kan van vandag af tot 3 Maart besoek word. As 'n lyfskilder, surrealistiese kunstenaar en student van die lewe probeer Sunya haar insigte oor haar lewe deur middel van haar kunswerke weergee. Vir meer inligting, besoek die FNCC se Facebook-blad.Maandag » Die FNCC bied met trots hul eerste fotografie-uitstalling vir die jaar aan. Namibia by Namibian photographers bestaan uit die werke van 15 Namibiese fotograwe. Landskappe, diere, leefstyl- en allerlei fotografie in hierdie uitstalling word onder meer ten toon gestel. Vir meer inligting, besoek die FNCC se Facebook-blad of www.wherevent.com. Toegang is gratis. Die uitstalling duur tot 16 Februarie van 08:00 tot 17:00. » The Elders Called It Medicine open vandag by die Omba-galery in Windhoek. Hierdie uitstalling bestaan uit die fotografiese afdrukke van Marita van Rooyen, en lede van die Ju/’Hoansi- en Topnaar-gemeenskap. Vir meer inligting, besoek www.namibiacraftcentre.com. Dié uitstalling kan tot 28 Februarie besoek word. Dinsdag» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by Flaunt beskikbaar.» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.» David Amukoto en vriende het saamgespan om die kunsuitstalling getiteld United In Art by die Woermannhaus-galery aan te bied. David is ’n bekende Namibiese kunstenaar wat ‘n graad in visuele kunste aan die John Maufangejo-kunssentrum voltooi het. United In Art open vandag op Swakopmund en kan tot 10 Februarie besoek word. Vir meer inligting, besoek www.whatsonnamibia.com.» The Project Room bied met trots Another Perspective II aan. Hierdie solo-uitstalling bestaan uit 44 afdrukke van Shiya Karuseb. Karuseb gebruik kuns om aktuele wêreldkwessies uit te beeld. Die uitstalling is reeds oop vir besoeke en duur tot 9 Februarie. Besoek The Project Room van Maandag tot Vrydag tussen 09:00 en 13:00 en Saterdae van 10:00 tot 13:00. Toegang is gratis. Woensdag» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar donasies is welkom. Vir meer inligting, besoek “Ongoma trading as Drum Café Namibia” op Facebook, of hul webtuiste, www.ongoma.com, of www.drumcafe.co.za./Namibia.php.» Die Nasionale Kunsgalery van Namibië bied Textiles and Textures aan. Die uitstalling bestaan uit ‘n versameling kunswerke van die Namibia Arts Association en die Nasionale Kunsgalery se permanente uitstallings. Uitgesoekte stukke is van belang ten opsigte van hul gebruik van tekstiel of tekstuur. Ander kunstenaars se stukke sal ook vertoon word. Die uitstalling begin om 18:00 en duur tot 5 Mei.» Die Warehouse-teater vier Valentynsdag met The Love, Music & Romance Red Carpet. Vier van Namibië se bekroonde kunstenaars en een asemrowende digter sal vanaand op die Warehouse-teater se verhoog wees om liefde, musiek en romanse te vier. Sangers Ann Singer, Monique English, Micheal Pulse en Jaleel kan gesien word. Kaartjies vir hierdie aand van romanse is vooraf teen N$80 by Events Today of teen N$120 by die deur beskikbaar. Donderdag » Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Almal is welkom.» Dit is weer tyd vir die Universiteit van Namibië (Unam) se jaarlikse kunstuitstalling. Hierdie uitstalling bestaan uit die werk van die derdejaar- en vierdejaardiplomastudente wat kursusse in bemarking, keramiek, mode, museumstudies en tekstiel voltooi het. Dis ‘n geleentheid vir kunsliefhebbers om Namibië se jong talent te ontdek. Die meesterstukke kan tot 3 Februarie by die Nasionale Kunsgalery bewonder word. » ’n Fotografie-uitstalling vier die transformatiewe werk van die Cardiff-universiteit in Namibië. Baanbrekerwerk om gesondheid te verbeter en om armoede in Namibië te verlig, is die uitstalling se fokus. Die Phoenix-projek, ’n vennootskap tussen die Cardiff-universiteit in Wallis en Unam, het ’n beduidende impak op die land gehad sedert sy bekendstelling in 2014. Die uitstalling is tans by die Nasionale Kunsgalery te sien en sal tot 18 Februarie duur.

Kalender 9 Feb

Kommentaar

Republikein 2025-09-18

Meld asseblief aan om kommentaar te lewer

Kalender 9 Feb

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie