Kalender 8 September

Nou aan die gang

» Ooms, ’n komiese verhoogproduksie waarin Tobie Cronjé en Gerben Kamper die rol van twee knorrige ooms speel wat tot hul spyt saam in ’n ouetehuis beland, is môre by Namib Primary in Swakopmund. Hierdie is nie ’n gewone ouetehuis nie, dis eerder ’n tipe verbeteringskool vir skatryk oues wat lastig geword het, of uit ander instansies geskors is. Kaartjies is by The Dome boxoffice teen N$190 en by die deur teen N$220 beskikbaar.

» Ashwyn Mberi kombineer verskillende kunsvorme vir ’n unieke vertoning. Onder meer is dans, drama, musiek en poësie deel van die produksie. Bantu Beams vind vanaand om 19:30 by die FNCC plaas. Bantu Beams is die viering van Afro-Artistry in Suider-Afrika. Hierdie produksie volg die storie van ’n Afrikareisiger wat saam met sy sangoma keer dat die samelewing nie in sy eie donkerheid verval nie. Kaartjies kos N$ 60. Vir meer inligting, besoek die FNCC se webtuiste.

» Die Nasionale Kunsgalery van Namibië bied met trots die vierde Bank Windhoek Triennial aan. Na ’n baie suksesvolle debuut in 2008 het nóg twee in 2011 en 2014 gevolg. Die vierde Bank Windhoek Triennial is ’n grootskaalse uitstalling. Dit duur tot 28 Oktober.

» Die professionele fotograaf Lukas Amakali se uitstalling, Double Exposure, is tans by die FNCC te sien. Hierdie fotografiese uitstallling beoog om die publiek meer oor analoë fotografie te leer. Besoek die FNCC se webtuiste vir meer inligting.

.Maandag

» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.



Dinsdag

» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by Flaunt beskikbaar.

» Die Goethe-Institut, in samewerking met Hildegard Titus, bied met trots die solo-uitstalling In Conflict, deur Jekonia Ndakola, aan. Hierdie uitstalling gaan oor kontemporêre politieke kwessies en wrywing op die Afrikakontinent. Deur die gebruik van blikkies is dit baie meer as herwinning wat uitgebeeld word. Die kunstenaar vra die gehoor wat die verbruikerskultuur hulle kos.



Woensdag



» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar donasies is welkom. Vir meer inligting, besoek “Ongoma trading as Drum Café Namibia” op Facebook, of hul webtuiste, www.ongoma.com, of www.drumcafe.co.za./Namibia.php.

» Die Warehouse-teater bied met trots die Jacques Brel-vertoning aan. Lize Ehlers en Esther Fellner, beide baie talentvol, is laas in die musiekblyspel Mamma Mia! gesien en gaan nou weer die verhoog deel. Jacques Brel is ’n verhoogproduksie waar van die grootste treffers van die eeu deur Elhers en Fellner vertolk gaan word. ’n Baie spesiale dansoptrede van Namibië se twee beste dansers, Oldile en Tuli, gaan gepaard met hierdie kabaretoptrede. Kaartjies is by www.today.com.na/event beskikbaar en die vertoning begin om 19:00.

Donderdag

» Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Die konserte is oop vir almal.

» Reënboog van emosies, ’n kunsuitstalling deur Jakobina Gideon, open vandag by die FNCC. Die werke wat uitgestal word, is meestal portrette oor menslike emosies. Dit is Jakobina se eerste solo-uitstalling. Besoek die FNCC se webtuiste vir meer inligting.



Vrydag

» Elke Vrydag en Saterdag bied die Warehouse-teater Mashura aan - ’n musiekvertoning by die Boiler Room. Mashura begin om 21:00 of ná die vertoning in die hoofteater.