Kalender 6 Oktober

Nou aan die gang» Jazz-It-Up vind vanaand by die Hilton Skybar plaas. Met die mooiste jazz-klanke, uitsonderlike kos en skemerkelkies is dit ’n geleentheid wat nie misgeloop moet word nie. Jazz-It-Up begin om 16:00 en eindig 19:00. Vir meer inligting oor hierdie spesifieke glansgeleentheid, besoek www.watsonnamibia.com/events.» Die Happy Art Hour is vandag weer by die Nasionale Galery van Namibië aan die beurt. Sluit by die geleentheid aan en beleef ’n kykie agter die skerms na wat die kurators van die Bank Windhoek-triënnale met die uitstalling gedoen het. Kaartjies kos N$20 en sluit drankies en die kans om kuns te wen in.» Wolfgang Haffner, ’n wêreldberoemde jazz-tromspeler uit Duitsland, en sy groep is vanaand by die Warehouse-teater vir ’n spesiale vertoning saam met Suzy Eises, bekroonde saksofoonspeler van Windhoek. Haffner en sy groep bring hul toer, Kind of Spain, na Namibië. Die klanke is ’n mengsel van jazz en Spaanse volksmusiek. Eises het haar merk op die plaaslike jazz-toneel gemaak omdat sy die saksofoon met haar siel speel. Haffner is bekend vir die “Haffner Touch” wat op internasionale verhoë bekend is. Al Jarreau, Pat Metheny, Jan Garbarek, Nils Landgren en Randy Brecker is ander kunstenaars wat onder meer ook betrokke is by Haffner se musiek. Kaartjies is by www.today.com/events teen N$100 of by die deur teen N$150 beskikbaar. Die vertoning begin om 19:00.» The Encounter is ’n produksie wat vanaand en môre by die Nasionale teater gesien kan word. Die storie oor gaan drie mans wat elk ’n anonieme uitnodiging na ’n kroeg ontvang. Die uitnodiging bevat ook spesifieke datums uit die verlede. En net hulle weet wat op daardie datums gebeur het. Of so het hulle gedink. Gaan vind uit wat met elk van hierdie karakters gebeur. Kaartjies vir beide aande is by die deur beskikbaar teen N$50 vir volwassenes, N$30 vir pensioenarisse en N$25 vir kinders en studente. Vanaand en môreaand se vertoning begin om 20:00. » Glo jy gebruikte items moet ’n tweede lewe kry? Indien wel, gaan maak môre ’n draai by die FNCC se tweedehandse mark en gee jou ou goed nuwe lewe.Enigiemand wat van klein skatte wil tot versamelstukke en antieke goedere, boeke of selfs vintage klere wil vind, moet hierdie geleentheid nie misloop nie. En onthou om te onderhandel!Toegang is gratis en is geskik vir mense van alle ouderdomme. Die tweedehandse mark is van 10:00 tot 15:00 oop. Vir meer inligting oor hierdie mark en ander aktiwiteite wat die FNCC aanbied, besoek gerus hul webtuiste. Maandag» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.» Die Nasionale Kunsgalery van Namibië bied met trots die vierde Bank Windhoek-triënnale aan. Na ’n baie suksesvolle debuut in 2008 het nóg twee in 2011 en 2014 gevolg. Die vierde Bank Windhoek-triënnale is ’n grootskaalse uitstalling. Dit duur tot 28 Oktober. Dinsdag» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by Flaunt beskikbaar.» Barbara Böhlke Art School, in samewerking met die FNCC, bied met trots Free to Fly aan. Hierdie uitstalling bestaan uit die werke van studente aan die Barbara Böhlke Art School. Meer as 100 kunswerke, op doeke van 30 cm x 30 cm, met die tema “Free to Fly”, is deur dié studente geborg. Die kunstenaars se ouderdomme wissel van ses tot 80. Alle kunswerke is te koop terwyl 10 werke deur bekende kunstenaars opgeveil gaan word. Die opbrengs hiervan gaan aan die Wilderness Therapy-organisasie geskenk word. Belangstellendes kan uistien na ’n groot verskeidenheid kunswerke in verskillende mediums. Barbara Pirron, Cathy McRoberts, Elisia Nghidishange, Fillipus Sheehama, Frieda Lühl, Helen Harris, Hercules Viljoen, Isabel Katjvivi, Ismael Shivute, Mieke Droomer, Nicky Marais en Barbara Böhlke se werke word uitgestal. Toegang is gratis en die uitstalling duur tot 19 Oktober. Woensdag» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar donasies is welkom. Vir meer inligting, besoek “Ongoma trading as Drum Café Namibia” op Facebook, of hul webtuiste, www.ongoma.com, of www.drumcafe.co.za./Namibia.php.Donderdag » Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Die konserte is oop vir almal.» Die Goethe-Institut bied met die trots The Cost of Wealth aan. Elisia Nghidishange se beeldhou- en drukwerk word uitgestal. Hierdie uitstalling ondersoek die verhouding tussen die strewe na rykdom en die plek van tradisie in 'n kontemporêre en kosmopolitiese samelewing. Nghidishange se beeldhouwerk in klei en papier-mâché, met tradisionele krale uit die noorde van Namibië, beklemtoon die verskil tussen tradisionele en kontemporêre kulture, terwyl die posisie van vroue in die nastrewing van rykdom hiermee gekombineer word. Die uitstalling open vandag om 18:00 en toegang is gratis. Vrydag » Elke Vrydag en Saterdag bied die Warehouse-teater Mashura aan - ’n musiekvertoning by die Boiler Room. Mashura begin om 21:00 of ná die vertoning in die hoofteater.

Kalender 6 Oktober

Kommentaar

Republikein 2025-08-04

Meld asseblief aan om kommentaar te lewer

Kalender 6 Oktober

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie