Kalender 3 November

Nou aan die gang» Hallelujah Namibia word môre by Vegkop-stadion by Windhoek Hoërskool aangebied. Hierdie gaan ’n groot geleentheid wees waar gelowiges van heinde en verre kom om Jesus se Naam groot te maak en Hom te loof en te aanbid. Koop jou kaartjie vir hierdie groot geleentheid so gou moontlik. Daar is slegs 1 000 kaartjies in die Goue Sirkel. Volwassenes betaal N$250 per persoon, en kinders en pensioenarisse kry 50% afslag. Vir die oop area moet jy jou eie kampstoel bring, of jy kan op die pawiljoene sit. Volwassenes betaal N$150 per persoon, en kinders en pensioenarisse kry hier ook 50% afslag. Stoele sal teen N$20 per stoel te huur wees. Kaartjies is by Pick n Pay-kiosks beskikbaar of aanlyn by www.webtickets.com.na.» Die Windhoek Jazz Festival skop vandag by Onafhanklikheidstadion om 15:00 af. Van ons land se beste musikante gaan die verhoog met outentieke Namibiese klanke betree. Onder meer Big Ben, Lize Ehlers, Suzy Eises, Major 7th, Mi Casa en Ringo Madlingozi. Moenie hierdie jaarlikse fees misloop nie. Kaartjies is by Events Today beskikbaar.» Elke Vrydag en Saterdag bied die Warehouse-teater Mashura aan - ’n musiekvertoning by die Boiler Room. Mashura begin om 21:00 of ná die vertoning in die hoofteater.» Dinsdag» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by Flaunt beskikbaar.» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.Woensdag» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar donasies is welkom. Vir meer inligting, besoek “Ongoma trading as Drum Café Namibia” op Facebook, of hul webtuiste, www.ongoma.com, of www.drumcafe.co.za./Namibia.php.Donderdag » Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Die konserte is oop vir almal.» Schalk Bezuidenhout, die krulkopkomediant met sy kenmerkende truitjies, is ’n opwindende nuwe stem in Suid-Afrikaanse stand-up. Sedert hierdie boorling van Kempton Park in 2015 in Trevor Noah se voorprogram opgetree het (en weer in 2017!) en ’n solovertoning op Comedy Central uitgesaai is, het hy baie vinnig ’n huishoudelike naam in Suid-Afrika geword. Kom kyk hoe Schalk die draak steek met homself en hoe hy al wat heilige koei is na die slagpale lei. Voksbesit was vanjaar uitverkoop by onder meer die KKNK, die Vrystaat-kunstefees, Aardklop en drie opeenvolgende aande in die Atterbury-teater in Pretoria. Bespreek gou, kaartjies gaan vlieg! Kry jou kaartjies by www.eventstoday.com.na / PayToday / Warehouse-teater teen N$150 of teen N$190 by die deur.» Iron Lady is ‘n uitstalling deur die bekende Namibiese modeonterwerper Chakirra Claasen en vind by die Project Room in Windhoek plaas. Die uitstalling gaan oor die resultate van haar navorsing tydens haar meestersgraad en word deur middel van rokke uitgestal. Iron Lady duur tot 4 November voort en kan daagliks van 09:00 tot 13:00 besoek word. » StArt Art Gallery kondig graag ‘n tweede uitstalling aan sedert sy bekendstelling in September 2017. Being Here is 'n groepuitstalling wat die werke van Fillipus Sheehama, Barbara Bohlke, Nashilongweshipwe Mushaandja, Lynette Diergaardt, Ismael Shivute en Elisia Nghidishange ten toon stel. Beeldhouwerke, skilderye, tekstiele, optredes en gemengde media vorm deel van dié uitstalling. Being Here bestaan uit kunswerke wat op hul eie manier dié kompleksiteit van identiteitsverkenning reflekteer. Die uitstalling open om 18:00 vandag by die StArt @ The Wolfshack. Toegang is gratis.

Kalender 3 November

Kommentaar

Republikein 2025-11-05

Meld asseblief aan om kommentaar te lewer

Kalender 3 November

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.