Kalender 29 Maart

Nou aan die gang» Riaan Smit van Crimson House stel vanaand sy debuutalbum, Man in the Hat, by die Warehouse-teater bekend. Verwag 'n aand van gypsy blues en ’n unieke stem wat jou met goeie lirieke sal meevoer. Riaan woon tans op die Kaaimanseilande en is selde in sy heimat, Namibië. Hy het die verhoog al met Bryan Adams, Blondie, Duran Duran, Sian Paul en Shaggy gedeel, en is tans besig om groot naam te op internasionale vlak te maak. Die show begin om 19:00 en kaartjies kan by die deur teen N$150 gekoop word.» Kosie Beukes, Die Ventertjies, Heidi en Pieter Mohr is tans op ’n Namibiese toer en tree vanaand in Rundu op. Heidi is ’n energieke vrou wat die lewe omarm en voluit leef. Haar debuutalbum, Wat ‘n Hart laat Lag, is die klankbaan van haar lewenslus en omgee-persoonlikheid. Pieter Mohr is ’n gevestigde Kaapse countrysanger. Hoewel Pieter in die Kaap gevestig is, toer hy al die afgelope 10 jaar oraloor Afrika. Hy is bekend vir sy uitstekende weergawes van bekende countrytreffers, asook vir sy energieke optredes. Die Ventertjies, boeremusiek se lieflingsussies Nicola en Lindie-Lee, is vinnig besig om hulself diep in mense se harte in te speel. Dis beslis ’n belewenis om dié twee in aksie te sien. Kosie Beukes, ’n leerling aan die Laerskool Witfield, het op die ouderdom van vier al kitaar begin speel en reeds op die ouderdom van vyf jaar begin konsertina speel. Boeremusiek lê hom baie na aan die hart en hy kan nie wag om sy talent met mense te deel nie. Kaartjies kan by die deur gekoop word. Die deure maak om 18:00 oop en die show begin om 20:00. Kontantkroeg beskikbaar. » Dis weer tyd vir die NLU Agribraai 2019 Braaifees wat vanjaar by die Hage Geingob-stadion plaasvind. Vanaand tree Bok van Blerk, Robbie Wessels en verskeie ander plaaslike kunstenaars op. Môre is Karlien van Jaarsveld, Broers, Die Campbells en plaaslike kunstenaars op die verhoog. Gaan geniet ’n dag van heerlike braaivleis en goeie musiek. Hekke maak vanmiddag om 14:00 en môre om 08:00 oop. Kaartjies kan by die hekke gekoop word. » Vanaand vind die immer gewilde Windhoek City Market weer plaas. Dié keer is die tema “A Bubbly Experience” wanneer die mark met Komnik & Franck kragte saamsnoer. Geniet vonkelwynproeë van verskeie wynkelders oraloor Suid-Afrika. Die mark is die ideale plek om ná 'n besige week jou skoene uit te skop en goeie kos en wyn onder Namibiese sterre te geniet. Daar sal ’n verskeidenheid kos- en dekorstalletjies wees. Toegang is N$40 vir volwassenes of N$80, wat ’n proeglas insluit! Kinders onder 16 se toegang is gratis.» Die Stephanus-kerk by Kenneth Kaundastraat 3, in Klein Windhoek, bied elke Saterdag van 08:00 tot 12:00 ’n biomark aan. Alle produkte wat by die mark verkoop word, is tuisgemaak of plaaslik gekweek. » Die Groen Sentrum op Swakopmund bied oormôre ’n Paasmark aan. Paasfees-versierings, kuns, kunsvlyt, handgemaakte geskenke, kos en ligte drankies, asook lekkernye vir oud en jonk is beskikbaar. Hierdie lewendige buitelug geleentheid is altyd groot pret vir die hele gesin. Besoek die mark ??tussen 9:00 en 13:00 by Libertina Amathilastraat 5 op Swakopmund. Die ingang is oorkant A la Mer-gastehuis en langs die slangpark. Vir navrae en om ’n stalletjie te bespreek, kontak Bea by 081 69 29 072. - Suiderhof se buurtwag hou Donderdag 11 April om 18:00 sy jaarvergadering in die NG kerk, Suiderhof. Maandag» Showcase Namibia is 'n geleentheid vir toeriste en Namibiërs om tradisionele danse en plaaslike musiek saam te geniet. Dis ’n gereelde instelling by die Warehouse-teater en word elke Dinsdag aangebied. Toeriste word aangemoedig om deel te raak van ’n interaktiewe show van 45 minute. Kaartjies is teen N$170 by die deur beskikbaar. Dit begin om 16:15. Vir meer inligting, besoek die Warehouse-teater se Facebook-blad. » Die Kunsvereniging op Swakopmund bied Symphony of Colours aan. Dié groepuitstalling open môreoggend by die Woermannhaus-galery. Ondersteun plaaslike kunstenaars en waardeer hul wonderlike, oorspronklike kuns.Dinsdag » Creations is ’n uitstalling van die werk van Namibiese kunstenaars ter viering van 29 jaar van onafhanklikheid. Die projek beoog om kunstenaars uit verskillende agtergronde byeen te bring. Van tradisionele kuns tot hedendaagse werk word uitgestal. Die doel is om ’n wye verskeidenheid dissiplines ’n platform te bied waardeur kunstenaars bande met mekaar kan smee. Creations is tot 3 Mei by die Nasionale Kunsgalery van Namibië (NAGN) te sien. » Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by die restaurant beskikbaar.» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.Woensdag» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare dromslaansessie in die boma by Joe’s aan. Almal is welkom. ’n Beperkte aantal djembe-dromme word voorsien, maar entoesiastiese dromslaners word aangemoedig om hul eie dromme saam te bring. Die sessies is gratis, maar skenkings is welkom. DonderdagJazz Etcetera vind elke Donderdag tussen 19:00 en 21:30 by die Hilton se Kalabar plaas en toegang is gratis. Almal is welkom.

Kalender 29 Maart

Kommentaar

Republikein 2025-05-01

Meld asseblief aan om kommentaar te lewer

Kalender 29 Maart

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie