Kalender 28 Februarie

Nou aan die gang » Die grootste rockfees, wat Namibië nog ooit gesien het, skop vandag af. Die drie dag lange fees vind op Steinheim plaas, 45 km buite Windhoek op die C-26 pad plaas. Kunstenaars soos Francois van Coke, Spoegwolf, Anton Goosen, Andra, Albert Frost, Vaughn Ahrens, Vernon Barnard, Jacob & Taylor, John Rock Prophet en vele meer sal tydens die fees optree. Kaartjies is op Eventstoday.com.na beskikbaar. Vir meer inligting besoek Camp Rock se Facebook-blad. » Radio Kalahari Orkes tree vanaand by Desert Tavern op Swakopmund op. Die gewilde groep het Suid-Afrika aan die gons met hul oorspronklike liedjies en melodieë. Die geleentheid skop vanaand om 20:30 af en kaartjies kos N$180 by die deur. Radio Kalahari Orkes tree ook môreaand by Camp Rock op as deel van die rockfees. Besoek whatsonnamibia.com/events vir meer inligting. » Joe’s Beerhouse bied mêreoggend hul baie gewilde vlooimark in hul parkeerarea aan. Vir dié weergawe van die vlooimark, is daar geen tweedehandse klere beskikbaar nie. Die mark begin om 08:00 en toegang is gratis. » Dis môreoggend weer tyd vir die gewilde boeremark, wat op die skougronde in die hoofstad plaasvind. Hou jy van lekker tuisgebak, outentieke goedere, unieke tweedehandse meubels, vleis, vis, organiese hoenders, eiers, groente, biltong en kaas? Dan is die boeremark net vir jou. Kaartjies kos N$5 per persoon en die hekke maak 08:00 oop en jy kan inkopies tot 13:00 doen. » Sean K tree môreaand vir die laaste keer by The Brewers Market op, voor hy na die Verenigde Koninkryk vertrek, waar hy 'n nuwe onderneming gaan begin om sy musiekloopbaan te bevorder. Tydens die konsert sal ander musikante soos Lize Ehlers, Monique English, Slickartie en Khoes saam met Sean K sing. Die show begin om 19:30 en kaartjies kos N$200 by die deur. » Môre vind die amptelike opening van die foto-uitstalling Reconnecting To Nature om 17:00 by die Woermannhaus-galery op Swakopmund plaas. Belangstellendes kan na 'n lesing en aanbieding van die Nat-Geo Wildlife-dokumentêr “The Last Lioness” met die kameraman Herbert Bräuer uitsien, wat twee lesings sal gee onder die tema “Reconnecting To Nature”. Die uitstalling sluit fotograwe soos Linda Louw en dr. Burkhard Dobiey in. Toegang is gratis. Vir meer inligting kontak die Woermannhaus-galery direk. » Die Stephanus-kerk by Kenneth Kaundastraat 3 in Klein Windhoek bied elke Saterdag van 08:00 tot 12:00 ’n biomark aan. Alle produkte wat by die mark verkoop word, is tuisgemaak of plaaslik gekweek.Maandag » Besoek die Beloved land of savannahs-kunsuitstalling by die Woermannhaus-galery op Swakopmund. Die kunswerke wissel van landskappe, grafiese werke, fotografie en ander genres. Van die werke wat ten toon gestel word, is te koop. Die galery kan tussen 10:00 en 17:00 besoek word. Die uitstalling eindig op 23 Februarie.Dinsdag » Die Just Breathe Team bied in Februarie gratis meditasieklasse elke Dinsdagaand aan. Klasse is vanaf 17:30 tot 19:00. Al wat jy hoef te doen, is om jou naam op die e-poslys te plaas (https://www.justbreathenamibia.com/signup). Bring jou eie jogamat saam as jy een het, maar daar sal ook ‘n paar verskaf word. Onthou om water saam te bring! Dit word by The Village Opera House aangebied.» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.Woensdag» Nikhita Winkler Dance Theatre bied vanaand ‘n African heels-dansklas aan. Hakskoene is opsioneel. Almal is welkom en toegang is N$50. Die klas begin om 19:30 en hou aan tot 21:00. WhatsApp +264 81 275 5820 vir meer inligting.» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar skenkings is welkom. Donderdag» Die Just Breathe Team bied in Februarie gratis jogaklasse elke Donderdagaand aan. Klasse is vanaf 17:30 tot 19:00. Al wat jy hoef te doen, is om jou naam op die e-poslys te plaas (https://www.justbreathenamibia.com/signup). Bring jou eie jogamat saam as jy een het, maar daar sal ook ‘n paar verskaf word. Onthou om water saam te bring! Dit word by The Village Opera House aangebied.» Susan Nel Photography, in samewerking met SPES Charity, bied die HOPE fotografie-uitstalling by die Am Weinberg Boutique Hotel in die Muskadel-konferensiesaal aan. Dit begin vandag om 18:00 en eindig op 29 Februarie.» Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Almal is welkom.

Kalender 28 Februarie

Kommentaar

Republikein 2026-05-05

Meld asseblief aan om kommentaar te lewer

Kalender 28 Februarie

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.