Kalender 26 Januarie

Nou aan die gang » Die Windhoek City Market is vandag weer aan die gaan. Hierdie markie is die ideale plek waar jy jou skoene kan uitskop, en aan lekker kos en wyn saam met jou vriende en familie ná ’n lang week kan smul. Die Windhoek City Market vind by The Village in die hartjie van Windhoek plaas. Die mark bied ‘n groot verskeidenheid kos, dekor en ander produkte aan. Daar is iets vir almal. Van koek to internasionale straatkos. As jy op ’n Vrydagaand lekker gesellig wil verkeer, is die Windhoek City Market dié plek om te wees. Toegang kos N$40 vir volwassenes en is gratis vir kinders onder 16. Die markie duur van 16:00 tot 21:30.» Die Bayreuth Academy of Advanced African Studies, Iwalewahaus (University of Bayreuth) en die Goethe-Institut Namibia bied met trots die uitstalling FAVT: Future Africa Visions in Time aan. Dit kan van vandag af besoek word en sluit kunsgesprekke, interaksie met kunstenaars, optredes, video- en klankinstallasies, asook fotografie aan. Vir meer inligting, besoek www.goethe.de/namibia of www.favt.blog. Die uitstalling is tot 16 Februarie by die Goethe-Institut Namibia te sien. » As deel van die FAVT: Future Africa Visions in Time-uitstalling nooi Philipp Khabo Koepsell (Duitsland/Suid-Afrika) die publiek vanaand na 'n poësie-aand wat fokus op die bemagtiging en onderhandeling van 'n rasse-identiteit. Sy styl is 'n unieke kombinasie van Duitse aktivisme en Afro-politiek wat uitgebeeld word aan die hand van 'n dramatiese vertoning. Die vertoning begin 20:00 en vind by die Goethe-Institut plaas. Toegang is gratis.» The Project Room bied met trots ANOTHER PERSPECTIVE II aan. Hierdie solo-uitstalling bestaan uit 44 van die kunstenaar Shiya Karuseb se afdrukke. Karuseb gebruik kuns om alledaagse wêreldkwessies uit te beeld. Die uitstalling is reeds oop vir besoeke en duur tot 9 Februarie. Besoek The Project Room van Maandag tot Vrydag tussen 09:00 en 13:00 en Saterdae van 10:00 tot 13:00. Toegang is gratis. Maandag » Die FNCC bied met trots hul eerste fotografie-uitstalling vir die jaar aan. Namibia by Namibian photographers bestaan uit die twee werke van 15 Namibiese fotograwe. Onder meer word landskap-, diere-, leefstyl- en allerlei fotografie uitgestal. Vir meer inligting, besoek die FNCC se Facebook-blad of www.wherevent.com. Toegang is gratis. Die uitstalling is daagliks van 08:00 tot 17:00 tot 16 Februarie. Dinsdag» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by Flaunt beskikbaar.» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.» David Amukoto en vriende het saamgespan om die kunsuitstalling getiteld United In Art by die Woermannhaus-galery aan te bied. David is die bekende Namibiese kunstenaar wat ‘n graad in visuele kunste aan die John Maufangejo-kunssentrum voltooi het. United In Art open vandag op Swakopmund en kan tot 10 Februarie besoek word. Vir meer inligtig, besoek www.whatsonnamibia.com. Woensdag» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar donasies is welkom. Vir meer inligting, besoek “Ongoma trading as Drum Café Namibia” op Facebook, of hul webtuiste, www.ongoma.com, of www.drumcafe.co.za./Namibia.php.» Die Nasionale Kunsgalery van Namibië bied met trots Textiles and Textures aan. Dié uitstalling bestaan uit ‘n versameling kunswerke uit Namibia Arts Association en die Nasionale Kunsgalery se permanente uitstallings. Die uitgesoekte stukke is van belang ten opsigte van hul gebruik van tekstiel of tekstuur. Ander kunstenaars se stukke sal ook vertoon word. Die uitstalling begin om 18:00 en duur tot 5 Mei. Donderdag » Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Die konserte is oop vir almal.» Dit is weer tyd vir Unam se jaarlikse beeldende kuns-uitstalling. Hierdie uitstalling bestaan uit die werk van derde- en vierdejaardiplomastudente wat kursusse in bemarking, keramiek, mode, museumstudies en tekstiel doen. Hierdie is ‘n geleentheid vir kunsliefhebbers om die werk van Namibië se jong talent te bewonder. Dié meesterstukke kan tot 3 Februarie by die Nasionale Kunsgalery bewonder word. » ’n Fotografie-uitstalling vier die transformatiewe werk van die Cardiff-universiteit in Namibië. Die fokus val op baanbrekerwerk om gesondheid te verbeter en armoede in Namibië te verminder.Die Phoenix-projek, ’n vennootskap tussen Cardiff-universiteit in Wallis en die Universiteit van Namibië (Unam), het ’n beduidende impak op die land gehad sedert sy bekendstelling in 2014. Dié uitstalling is tans by die Nasionale Kunsgalery van Namibië (NAGN) te sien en kan tot 18 Februarie besigtig word.

Kalender 26 Januarie

Kommentaar

Republikein 2025-07-25

Meld asseblief aan om kommentaar te lewer

Kalender 26 Januarie

Kommentaar

Republikein 2025-07-25

Meld asseblief aan om kommentaar te lewer

MELD AAN

Advertensie