Kalender 2 November

Nou aan die gang» Die Nasionale Teater van Namibië (NTN) bied vanaand om 19:00 die verhoogproduksie Sisters aan. Sisters is “’n sielkundige spel wat met die psige van die mens speel”. Jeffery en Selina deel ’n band wat sterker is as dié van die meeste broers en susters. Sisters se spel verken die verhouding tussen broers en susters en hoe ver familie vir mekaar sal gaan. Toegang is N$80 vir volwassenes en N$50 vir pesioenarisse en studente. » Die immer gewilde Roadhouse Blues-groep gaan vanaand jou litte losmaak wanneer hulle by die Vintage Bar and Grill van hul bekendste treffers sing. Die groep sal om 20:00 begin speel. Toegang is gratis en geen onder 18’s word toegelaat nie. Vir meer inligting, besoek hul Facebook-blad.» Die Warehouse-teater staan gereed om jou lagspiere te kielie. Broke and Famous, wat deur FREEYOURMIND op die planke gebring word, roep van ons land se snaaksste komediante na die verhoog vir ’n aand van uitsonderlike komedie. Bekende gesigte soos Lileka, Mr.Slick en ou gewildes sal ’n beurt op die verhoog kry. Kaartjies kan by die deur teen N$150 gekoop word. Die show begin om 20:00 en geen onder 18’s word toegelaat nie. » Dis môreoggend weer tyd vir die maandelikse Boeremark by Windhoek se skougronde. Moenie sloer met die koop van Kersgeskenke nie, gaan koop dit sommer nou. Die Boeremark se hekke maak om 08:00 oop en toegang is N$5. Ondersteun plaaslike entrepreneurs! » Die Waldorf-skool in Windhoek het môre ’n markie wat al jou ou, ongewenste, tweedehandse goedere ’n tweede kans bied. Die mark vind op die skoolterrein plaas. Koffie, koek en potjiekos is beskikbaar. Daar is ook verskeie kunsuitstallings, regstreekse musiekoptredes en pret vir die kleinspan. Vir verdere inligting en besprekings, kontak (061) 415-250 of desk@waldorf-namibia.org. Die mark se hekke maak 08:30 oop. » Wees deel van 'n wonderlike Kersviering in die hartjie van die Windhoek. Neem jou vriende en familie na die Kersmark by die ou brouery-kompleks in Talstraat vir ’n dag van inkopies en ander vermaak. ’n Wye verskeidenheid kuns, dekor, kos en klere sal beskikbaar wees, asook kindervermaak. Die mark skop om 09:00 af en toegang is gratis. » Die NTN nooi jou uit na ’n opvoering wat môre deur die Confucius-instituut by Unam en die Hunan-universiteit van Chinese Geneeskunde aangebied word. Die groep uit China sal hoofsaaklik Oosterse gevegskuns, Tai Chi en Qigong vertoon. Die show is gratis en kaartjies kan gedurende kantoorure by John Meinertstraat 12 gekoop word. Deure open om 18:00 en die show begin om 19:00. Vir meer inligting, besoek die NTN se webtuiste of Facebook-blad. » Windhoek Gimnasium bied môre ’n Kersmark by die skool aan. Alles wat jy vir Kersfees nodig het, is by die mark beskikbaar. Hekke maak 07:00 oop en die mark kan tot 16:00 besoek word. » Die Stephanus-kerk by Kenneth Kaundastraat 3, in Klein Windhoek, bied elke Saterdag van 08:00 tot 12:00 ’n biomark aan. Alle produkte wat by die mark verkoop word, is tuisgemaak en plaaslik gekweek. Maandag» Textures & Textiles is ’n groepuitstalling wat die Amerikaanse kunstenaar Carol Marshner-Malone se werk tans by die Woermannhaus-galery op Swakopmund vertoon. Dit word met trots deur Swakopmund se kunsvereniging aangebied. Besoek die galery Maandag tot Vrydag tussen 10:00 en 12:00, of 15:00 en 17:00, en Saterdag tussen 10:00 en 12.00. Toegang is gratis.Dinsdag »Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by die restaurant beskikbaar.» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.Woensdag» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar skenkings is welkom. DonderdagDie Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Almal is welkom.

Kalender 2 November

Kommentaar

Republikein 2026-08-04

Meld asseblief aan om kommentaar te lewer

Kalender 2 November

Kommentaar

Republikein 2026-08-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.