Kalender 2 Feb

Nou aan die gang » The Elders Called it Medicine open vandag by die Omba-galery in Windhoek. Hierdie uitstalling bestaan uit foto-afdrukke van Marita van Rooyen en lede van die Ju/'Hoansi- en Topnaar-gemeenskap. Vir meer inligting, besoek www.namibiacraftcentre.com. Die uitstalling kan tot 28 Februarie besoek word. » Die uiters gewilde Big Ben tree vanaand by die Warehouse-teater in Windhoek op. Die veelbekroonde musikant gaan al sy ou treffers sing. Onder meer "Moro Moro" en "Kozongoro". Big Ben gaan ook van sy nuwe treffers soos "Ekaku" bekend stel. Moenie 'n aand van wonderlike musiek misloop nie. Vir meer inligting, besoek die Warehouse-teater se Facebook-blad. Die show begin om 20:00. Kaartjies is by die deur teen N$150 en aanlyn teen N$120 beskikbaar. » Die Goethe-Institut bied vanaand met trots vanjaar se eerste Night Under the Stars aan. Dit skop af met die Kanadese sangeres en liedjieskrywer Kae Sun, wat in Kanada gebore is, en twee van Namibië se topkunstenaars, Vaughn Ahrens en Ashwyn Mberi. Hierdie kunstenaars het nog nooit vantevore 'n verhoog gedeel nie en dit beloof om 'n aand van uitsonderlike harmonieë te wees. Die show begin 19:00 en kaartjies is teen N$20 by die deur beskikbaar. » Dit is môre weer tyd vir die Boeremark by Windhoek se skougronde. Daar is iets vir almal in die gesin. Die mark kan van 08:00 tot 13:00 besoek word. Toegang vir kinders en pensioenarisse is gratis en volwassenes betaal N$5. Maandag » Die FNCC bied met trots hul eerste fotografie-uitstalling vir die jaar aan. Namibia by Namibian photographers bestaan uit die werke van 15 Namibiese fotograwe. Onder meer word foto's van landskappe, diere, lewenstyle en nog meer uitgestal. Vir meer inligting, besoek die FNCC se Facebook-blad of www.wherevent.com. Toegang is gratis. Die uitstalling duur tot 16 Februarie van 08:00 tot 17:00. » Die Bayreuth Academy of Advanced African Studies, Iwalewahaus (University of Bayreuth) en die Goethe-Institut Namibia bring FAVT: Future Africa Visions in Time na Namibië. Dié uitstalling kan van vandag af besoek word en behels kunsgesprekke, interaksie met kunstenaars, optredes, video- en klankinstallasies en fotografie. Vir meer inligting, besoek www.goethe.de/namibia of www.favt.blog. Die uitstalling is tot 16 Februarie by die Goethe-Institut te sien. Dinsdag » Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by Flaunt beskikbaar. » Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279. » David Amukoto en vriende het saamgespan om United In Art by die Woermannhaus-galery aan te bied. David is die bekende Namibiese kunstenaar wat 'n graad in visuele kunste aan die John Maufangejo-kunssentrum voltooi het. United In Art open vandag op Swakopmund en kan tot 10 Februarie besoek word. Vir meer inligting, besoek www.whatsonnamibia.com. » The Project Room bied met trots Another Perspective II aan. Hierdie solo-uitstalling bestaan uit 44 afdrukke van Shiya Karuseb. Karuseb gebruik kuns om alledaagse wêreldkwessies uit te beeld. Die uitstalling is reeds oop vir besoeke en duur tot 9 Februarie. Besoek The Project Room van Maandag tot Vrydag tussen 09:00 en 13:00, en Saterdae van 10:00 tot 13:00. Toegang is gratis. Woensdag» Die akoestiese duo Blend tree vanaand by die Boiler Roorm in Windhoek op. Blend bestaan uit die digter Nesindano Namises, beter bekend as Truth of Khoes, asook die kitaarspeler Christain Pollinie. Toegang is gratis en die show begin om 21:00. » Drum Café Namibia, in samewerking met Joe's Beerhouse, bied elke Woensdag van 18:00 tot 19:00 'n openbare tromslaansessie in die boma by Joe's aan. Almal is welkom. 'n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar donasies is welkom. Vir meer inligting, besoek “Ongoma trading as Drum Café Namibia” op Facebook, of hul webtuiste, www.ongoma.com, of www.drumcafe.co.za./Namibia.php. » Die Nasionale Kunsgalery van Namibië bied met trots Textiles and Textures aan. Dié uitstalling bestaan uit 'n versameling kunswerke uit die Namibia Arts Association en die Nasionale Kunsgalery se permanente uitstallings. Die uitgesoekte stukke is van belang ten opsigte van hul gebruik van tekstiel of tekstuur. Ander kunstenaars se stukke sal ook vertoon word. Dit kan daagliks van 18:00 af besoek word en duur voort tot 5 Mei. » As deel van die FAVT: Future Africa Visions in Time-uitstalling nooi Philipp Khabo Koepsell die publiek vanaand na 'n poësie-aand wat fokus op bemagtiging en die onderhandeling van 'n rasse-identiteit. Koepsell se styl is 'n unieke kombinasie van Duitse aktivisme en Afro-politiek wat deur 'n dramatiese vertoning uitgebeeld word. Die vertoning begin om 20:00 en vind by die Goethe-Institut plaas. Toegang is gratis Donderdag » Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Die konserte is oop vir almal. » Dit is weer tyd vir Unam se jaarlikse visuele kunsuitstalling. Hierdie uitstalling bestaan uit die werk van derdejaar- en vierdejaardiplomastudente wat kursusse in bemarking, keramiek, mode, museumstudies en tekstiel voltooi het. Hierdie is 'n geleentheid vir kunsliefhebbers om die werk van Namibië se jong talent te besigtig. Dié meesterstukke kan tot 3 Februarie by die Nasionale Kunsgalery bewonder word. » 'n Fotografie-uitstalling vier die transformatiewe werk van die Cardiff-universiteit in Namibië. Baanbrekerswerk om gesondheid te verbeter en om armoede in Namibië te verminder, is hierdie nuwe uitstalling se fokus. Die Phoenix-projek, 'n vennootskap tussen Cardiff-universiteit in Wallis en die Universiteit van Namibië (Unam), het 'n beduidende impak op die land sedert sy bekendstelling in 2014 gehad. Die uitstalling is tans by die Nasionale Kunsgalery van Namibië (NAGN) te sien en sal tot 18 Februarie voortduur.

Kalender 2 Feb

Kommentaar

Republikein 2025-09-18

Meld asseblief aan om kommentaar te lewer

Kalender 2 Feb

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie