Kalender 14 Julie

Nou aan die gang» Whisky-liefhebbers kan môre die FNB Whisky-fees, wat by die Windhoek Country Club plaasvind, bywoon. Afgesien van die verskeie soorte whisky wat bekend gestel word, sal daar ook ’n sigaar- en Amarula-stalletjie wees waar feesgangers kan ontspan. Om die palet tydens die proeëry skoon te maak, is daar ook ’n koffiekroeg wat deur Slowtown bedryf word. Kaartjies vir die fees is by Computicket beskikbaar teen N$180 en kan by die deure gekoop word vir N$200.» Dit is vanaand weer tyd vir die Village City Market in Windhoek. Die mark bestaan uit verskeie aktiwiteite, kos- en goederestalletjies (met plaaslike én internasionale produkte) en vermaaklikheid. Die Village City Market is by die Village, Liliencronstraat 18. Kaartjies kos N$30 en is by www.today.com.na beskikbaar.» Die FNCC bied vandag en môre weer ’n populêre fotografiekursus aan. Die kursus bied amateurs en professionele fotograwe die geleentheid om hul vaardighede te verbeter. Landskapfotografie is onder meer een van die temas wat bespreek sal word. Belangstellendes kan die FNCC se webtuiste besoek.» Die 30 jaar Anin-uitstallings is nog vandag en môre by die Omba-galery te sien. Hierdie uitstalling bestaan uit die handgemaakte borduurprodukte wat oor die jare by Anin Embroidery gemaak is. Van die werke is te koop. Vir meer inligting, besoek die Omba-galery se webtuiste. Maandag» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.» Die Nasionale kunsgalery van Namibië bied met trots die Inspiration through the lens – Home is where the heart belongs foto-uitstalling aan. Die uitstalling open vandag. Ndasuunye Papa Shikongeni is ’n Namibiese kunstenaar wat internasionaal bekend is vir sy afdrukke, musiek en beeldhouwerk. In hierdie uitstalling, wat Shikongeni se eerste solo-uitstalling is, kan belangstellendes die bekroonde fotograaf Tony Figueria, wat vroeër vanjaar oorlede is, se invloed op Shikongeni se werk sien. Toegang is gratis. Vir meer inligting, besoek die NAGN se webtuiste» Die Ventertjies en Heidi tree by Desert Tavern in Swakopmund op. Geniet lekker tradisionele Afrikaanse musiek sowel as Heidi se treffers. Kaartjies kos N$150 en is by die deur beskikbaar. Die vertoning begin om 20:00Dinsdag » Dinsdag iskaraoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by Flaunt, die nuwe restaurant by die Warehouse, beskikbaar.» Woensdag » Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar donasies is welkom. Vir meer inligting, besoek “Ongoma trading as Drum Café Namibia” op Facebook, of hul webtuiste, www.ongoma.com, of www.drumcafe.co.za./Namibia.php. Donderdag » Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Die konserte is oop vir almal. Vrydag » Elke Vrydag en Saterdag bied die Warehouse-teater Mashura aan - ’n musiekvertoning by die Boiler Room. Mashura begin om 21:00 of ná die vertoning in die hoofteater.

Kalender 14 Julie

Kommentaar

Republikein 2026-05-11

Meld asseblief aan om kommentaar te lewer

Kalender 14 Julie

Kommentaar

Republikein 2026-05-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.